Naʻá ku Tā ha Foʻi Himi!

Fai ʻe Raihau T., taʻu 11, Tahiti, Falanisē Polinisia

Ko e fuofua taimi naʻá ku fanongo ai ki he tā piano hoku taʻokete ko ʻĀlaní ʻi he houalotu sākalamēnití, naʻá ku fie fai ʻa e meʻa tatau. Naʻe hoko ia ko ha taha ʻo e ngaahi taumuʻa ʻo ʻeku polokalama Fānau mo e Toʻu Tupú, ke tā ha foʻi himi ʻi he houalotu sākalamēnití.

Talu mei ai, mo ʻeku ako tā piano mo ʻeku faʻētangata ko Kení. Naʻá ku feinga ʻi he ʻaho takitaha ke u akoako ʻo ʻikai toe siʻi ange ʻi he miniti ʻe 30. Hili ha māhina ʻe 10, naʻe lava ke u tā e foʻi himi “Ko e Fua Lotu ʻa Siosefá” (Ngaahi Himi, Fika 14).

Pea hoko mai ʻa e COVID-19. Naʻe kaniseli ʻe he kau taki ʻo e Siasí ʻa e ngaahi fakatahaʻanga ʻi he ʻaho Sāpaté. Naʻa nau pehē ʻoku totonu ke tau lotu pē ʻi ʻapi. Naʻe ʻomi ʻe he Fineʻeikí mo e Tangataʻeikí kiate kimautolu takitaha ha ngāue ke fakahoko. Naʻá na kole mai ke u tā ʻa e fua hivá, pea naʻá ku tā ʻa e “Ko e Fua Lotu ʻa Siosefá.” Ne u lava ʻo aʻusia ʻa ʻeku taumuʻa ke tā ha foʻi himi ʻi he houalotu sākalamēnití! Naʻá ku lava ʻo ongoʻi ʻa e Laumālié ʻi homau ʻapí.

Tā fakatātā ʻa Shane Clester