Nima Fietokoni ‘i he funga ʻo e Māmaní
Fe‘iloaki mo Sailomei he ‘Otu Filipainí
Fe‘iloaki mo e fānau Palaimeli ʻoku nau tokoniʻi e ni‘ihi kehé, hangē ko ia naʻe fai ‘e Sīsuú.
Ngaahi meʻa kotoa pē fekauʻaki mo Sailó
Taʻu: 7
Mei: ʻOtu Motu Filipainí
Ngaahi lea fakafonuá: Lea Faka-Filipino, Lea Faka-Pilitānia
Fāmili: Fineʻeiki, Tangataʻeiki, mo e ngaahi taʻokete ʻe toko tolu
Ngaahi taumu‘a mo e fakaʻānaua: 1) Tokoniʻi maʻu pē ʻa e niʻihi kehé. 2) Hoko ko ha tokotaha tauʻolunga. 3) Hoko ko ha tokotaha ngaahi meʻakai lelei
Ko e Nima Fietokoni ʻo Sailó
ʻOku manako ʻa Sailo ke tokoni ki he kakaí ʻi he feituʻu kotoa pē ʻoku ʻalu aí. ʻOkú ne mātuʻaki anga fakakaumeʻa ki hono ngaahi kaungā ako ʻi he akoʻangá. ʻOku ʻikai mahuʻinga ʻa honau ngaahi kehekehé. ʻOkú ne ʻiloʻi ko e tokotaha kotoa pē ko ha fānau ia ʻa e ʻOtuá! ʻOku ʻi ai ha fokoutua ʻoku maʻu ʻe Sailo, ʻoku ui ko e Down syndrome (palopalema fakaeʻatamai mo fakaesino), pea ʻikai lava hono kaungāmeʻa ofi taha ko Kalí ʻo lue. ʻOku tokoni maʻu pē ʻa Sailo kia Kali ʻi hono saliote teketeké.
ʻOku loto maʻu pē ʻa Sailo ke vaʻinga mo e tokotaha kotoa pē, ʻo aʻu pē ki he fānau ʻoku teʻeki ai ke ne ʻiló. ʻOku manako ʻi he fakafeohi ki ha ngaahi kaungāmeʻa foʻoú. ʻI he taimi ʻe taha, ne ʻalu ai hono fāmilí ʻo ʻaʻahi ki he Temipale Manila Filipainí, naʻá ne fakatokangaʻi ai ha kiʻi taʻahine ʻi he loki talitalí naʻe ʻikai ke ʻi ai ha taha ke na vaʻinga. Naʻá ne ʻalu ki ai pea kamata ke na vaʻinga. Ne aʻu pē ki heʻene ʻoange ʻene tepiletí (tablet) ke vaʻinga ai.
Ngaahi Meʻa ʻOku Saiʻia Taha ai ʻa Sailó
Feitu‘u: Ko e malaʻe va‘ingá
Talanoa fekauʻaki mo Sīsuú: Taimi naʻá Ne tāpuakiʻi ai ʻa e longaʻi fānau īkí
Hiva Palaimelí: “Tauhi ʻa e Ngaahi Fekaú“ (Tohi Hiva ʻa e Fānaú, 68–69)
Me‘akai: Pateta fakapaku, ika, fuaʻimoa mo e laise
Lanú: Lanu pulū
Lēsoni ʻi he akó: Fika
Ko Sailo ʻeni mo e niʻihi ʻo hono ngaahi kaungāmeʻá.
Tā fakatātā ʻa Hollie Hibbert