Tokoni Hangē ko Sīsuú

Na‘e Fakakau Mai ‘e Sīsū ‘a e Ni‘ihi Kehé

Naʻe ʻi ai ha ʻaho ʻe taha, ne omi ha longaʻi fānau ke mamata kia Sīsū Kalaisi. Ne talaange ʻe hono kau muimuí ke nau ʻalu mamaʻo. Ka naʻe folofola atu ʻa Sīsū, “Tuku ke haʻu kiate au ʻa e tamaiki īkí” (Maʻake 10:14 Naʻe ʻikai te Ne loto ke liʻaki kinautolu. Naʻé Ne fie maʻu ke nofo mo kinautolu koeʻuhí naʻá Ne ʻofa ʻiate kinautolu.

Naʻe fua kinautolu ʻe he Fakamoʻuí ʻi Hono ongo umá. Naʻá Ne tāpuakiʻi kinautolu. Naʻá Ne tokoniʻi kinautolu ke nau ongoʻi mahuʻinga.

Naʻá ku ongoʻi taʻelata ʻi he mālōlō siʻí, peá u kole ange ki ha tokotaha pe ʻe fie vaʻinga mo au. Naʻá ma ʻuluaki vaʻinga ʻaki ʻa e sioká, pea tokolahi ange e kakai ne haʻú pea naʻe fuʻu fakalata ʻaupito! Kapau ʻokú ke ongoʻi taʻelata, ʻe lava ke ke kole ki ha taha ke mo vaʻinga!

Kenini P., taʻu 8, Kololato, USA