Haʻu, ʻo Muimui ʻIate Au
Taimi Fiefia ‘i he Folofolá
ʻOku ʻalu fakatatau ʻa e ngaahi fakakaukau ko ʻení mo e Haʻu, ʻo Muimui ʻIate Au—ma‘á e Fakafoʻituituí mo e Ngaahi Fāmilí ʻi he uike kotoa pē.
Fakamanatua ‘a Sīsū Kalaisi
ʻi he Toetuʻú
-
Hiva ʻa e “Kuo Toetuʻu ‘a Sīsū,” (Tohi Hiva ʻa e Fānaú, 44).
-
Vahevahe hoʻo ngaahi folofola manakó pe ngaahi talanoa fekauʻaki mo Sīsuú. Pea kumi ʻi he ngaahi makasini motuʻa ʻa e Siasí Hano ngaahi fakatātā ʻo kosi. Kuluuʻi pe tepiʻi fakataha ʻa e ʻū fakatātaá ʻi ha laʻipepa pe pousitā.
-
Te ke lava ʻo maʻu ha ngaahi talanoa mo ha ngaahi ʻekitivitī lahi ange fekauʻaki mo e Toetuʻú ʻi he Kaumeʻa ʻo Māʻasi 2021.
Meili ‘a e Faifekaú
Ki he Tokāteline mo e Ngaahi Fuakava 30–36
-
Hiva‘i ʻa e “ʻOku ou Fie Hoko Leva ko ha Faifekau,” (Tohi Hiva ʻa e Fānaú, 90).
-
Hili hono fakafoki mai ʻo e Siasi ʻo Sīsū Kalaisí, ne ui ʻe he ʻOtuá ha kau faifekau ke ʻalu atu pea akoʻi ha kakai tokolahi ange fekauʻaki mo ia. Te ke lava ʻo lau fekauʻaki mo ha niʻihi ʻo e kau fuofua faifekaú ʻi he peesi 42.
-
Fai ha ngaahi tohi pe tā ha ngaahi fakatātā ke ʻave ki he kau faifekaú! ʻE lava ke ke ʻoange ia ki he kau faifekau ʻoku nau ngāue ʻi homou feituʻú pe ʻave ki ha faifekau ʻoku ngāue ʻi ha feituʻu kehe. Talanoa foki ki ha ngaahi founga ʻe lava ʻo vahevahe ai ʻa e ongoongoleleí.
Ngāue Fakataha
Ki he Tokāteline mo e Ngaahi Fuakava 37–40
-
“‘E ʻAonga ki Māmani ha Kau Ngāue Lelei” (Ngaahi Himí, fika 155).
-
Na‘e akoʻi kitautolu ʻe Sīsū ke tau “taha pē” (Tokāteline mo e Ngaahi Fuakava 38:27). ʻOku ʻuhinga ia ki he ngāue fakataha mo e kakai ʻoku tau feohí ke aʻusia e taumuʻa tatau.
-
Fili ha hoa pea tuʻu fakataha, uma ki he uma. Fakaʻaongaʻi ha sikaafi pe maea ke nonoʻo fakalelei ho kiaʻi vaʻé ki ho hoá. Mo ngāue fakataha ke mo ako lue. Ko e hā e vave taha te mo lava ai ʻo lue mei he feituʻu ʻe taha ki he feituʻu ʻe taha?
Tukupā ki he Ngāue Tokoni Fakafufuú
Ki he Tokāteline mo e Ngaahi Fuakava 41–44
-
Hiva‘i ʻa e “Folofola ʻa Sīsū, Feʻofaʻaki” (Tohi Hiva ʻa e Fānaú, 39).
-
Na‘e akoʻi ʻe Sīsū ʻoku totonu ke tau “nofo fakataha ʻi he ʻofa” (Tokāteline mo e Ngaahi Fuakava 42:45).
-
Hiki ʻi ha laʻipepa ʻa e hingoa ʻo e tokotaha kotoa pē ʻi ho fāmilí. Pea ʻai ke fili ʻe he tokotaha kotoa pē ha hingoa. Fakapapauʻi ʻoku ʻikai ko ho hingoá pē ʻokú ke filí pea ʻoua naʻa tuku ke sio ha taha ki he tokotaha naʻá ke filí! ʻI he lolotonga ʻa e uiké, feinga mālohi ange ke tokoni pea fakahaaʻi ʻa e ʻofá ki he tokotaha ko iá.
Tā fakatātā ʻa Katy Dockrill