Naʻe folofola ʻa Sīsū ke ‘Ofa ʻi he Tokotaha Kotoa Pē

Fai ʻe Palesiteni Russell M. Nelson

Toʻo mei ha tohi ʻi he Facebook ʻi he, 1 Sune 2020.

pictures of children from around the world

ʻI he taimi naʻe ʻi he māmaní ai ʻa Sīsuú, naʻá Ne tokoni maʻu pē kiate kinautolu naʻe liʻekiná, ʻikai ke fakatokangaʻí, pe ngaohikoviá. ʻI heʻetau hoko ko ʻEne kau muimuí, kuo pau ke tau fakahoko e meʻa tatau! ʻOku tau tui ki he tauʻatāina, angaʻofa, mo e failelei ki he fānau kotoa ʻa e ʻOtuá.

Ko e ngaahi tokoua mo e tuofāfine kotoa pē kitautolu, ko e fānau takitaha ʻo ha Tamai Hēvani ʻofa. ʻOku fakaafeʻi ʻa kitautolu kotoa pē ʻe Hono ʻAló, ko e ʻEiki ko Sīsū Kalaisí, ke haʻu kiate Ia, “ʻa e ʻuliʻuli mo e hinehina, pōpula mo e tauʻatāina, tangata mo e fefine” (2 Nīfai 26:33). ʻOku taau ʻa e foha mo e ʻofefine kotoa pē ʻo e ʻOtuá, ke fakaʻapaʻapaʻi ʻo tatau ai pē pe ko e hā honau lanú pe ngaahi tuí. Tuku muʻa ke tau fakahaaʻi ʻa e ʻofá ki he fānau kotoa pē ʻa e ʻOtuá.