Ko e Taimi ʻEkitivitií!

Ko e Hina Sioʻata Sāpaté

Kosikosi ʻa e fanga kiʻi laʻipepá ʻo faʻo ʻi ha ngeʻesi kapa pe hina sioʻata. ʻI he taimi ʻokú ke fekumi ai ki ha meʻa lelei ke fakahoko ʻi he ʻaho Sāpaté, fili ha kiʻi laʻipepa pea fai ʻa e ʻekitivitī ko iá! Tānaki atu haʻo ngaahi fakakaukau makehe pē ʻaʻau.

Tā ki ha mēmipa ʻo e fāmilí ʻoku nofo mamaʻo.
Luelue ʻo ʻeva.
Talanoa pe fanongo ki ha ngaahi talanoa fakafāmili.
Tā pe tohi ʻi hoʻo tohinoá.
Fakafaivaʻi ha talanoa ʻi he folofolá.
ʻAi ha kaati ke ʻave ki ha tokotaha.
Lau ʻa e Kaumeʻá

Vaʻinga Teka Pulu ʻaki ha Foʻi Hina

Ko ha fakakaukau ʻeni ki ha vaʻinga fakafiefia! Fokotuʻutuʻu ha ʻū ngeʻesi kapa pe ngeʻesi hina pelesitiki. Pea tekaʻi atu ha foʻi pulu ki ai. Ko e hā e lahi ʻo e meʻa te ke lava ʻo fakatōkí?

Tā fakatātā ʻa Thomas S. Child