Meʻa Fakafiefia
Puna ʻi he Vaʻakaú!
Ko e vaʻinga lelei ʻeni ʻoku manako ʻa e kau leká ke vaʻinga ai ʻi ʻAfilika Tonga. Ko e meʻa pē ʻokú ke fie maʻú ko ha vaʻakau mo ha kau vaʻinga ʻe toko ua pe tokolahi ange.
-
ʻE fili ʻe ha tokotaha vaʻinga ha feituʻu ke kamata ai pea fokotuʻu ha vaʻakau ʻi he kelekelé ʻo mamaʻo mei he feituʻu ko iá.
-
ʻE puna ʻa e tokotaha vaʻingá ke fakalaka ʻi he vaʻakaú pea fokotuʻu ia ʻi he feituʻu naʻe tō aí.
-
ʻE puna leva ʻa e tokotaha hokó mei he feituʻu tatau pē ne kamata aí pea feinga ke fakalaka atu ia ʻi he vaʻakaú. Hili iá pea te nau ʻunuakiʻi leva ʻa e vaʻakaú ki he feituʻu foʻou naʻe tō aí.
-
Ko ia pē he ʻikai ke puna ʻo fakalaka ʻi he vaʻakaú ʻe mate ia. Hokohoko atu pē kae ʻoua leva kuo ikunaʻi ʻe ha taha!
Ko e hā e kiʻi vaʻinga ʻi tuʻa ʻokú ke saiʻia taha aí?
ʻOmai ha kiʻi fakamatala ki hoʻo kiʻi vaʻingá (ʻalu ki he takafi ʻi muí ke sio ki he foungá). Te tau pulusi ha niʻihi ʻo hoʻo fanga kiʻi vaʻinga manakó ke lava e kau leka kehe ʻi he funga ʻo e māmaní ʻo muimui ki ai!
Tā fakatātā ʻa Jeff Ebbeler