Mei he Kau Palesitenisī ʻUluakí

Ke Ke Angaʻofa

Fai ʻe Palesiteni Dallin H. Oaks

Tokoni ʻUluaki ʻi he Kau Palesitenisī ʻUluakí

Na‘e toʻo mei he “Ngaahi Mātu‘á mo e Fānaú,” Ensign pe Liahona, Nōvema 2018, 61–67.

‘Oku ou ʻilo‘i ha talavou naʻe kumi hūfanga. Na‘e fakamataliliʻi ia ‘e ha kulupu to‘u tupu kehe koeʻuhi ko ʻene kehé. Na‘a nau fakamataliliʻi ia ko ʻene lea ʻi ha lea fakafonua kehé. ‘Oku ʻikai fakahōifua ki he Tamai Hēvaní kapau ʻoku tau angakovi pe ta‘eʻofa ki he ni‘ihi kehé. ʻOku angakovi ke tau houtamaki ki ha taha kehe, ke ʻohofi tokolahi kinautolu, pe siʻaki kinautolu.

Siʻi fānau ‘ofeina, ʻoku fie maʻu ʻe hotau māmaní hoʻomou ʻulungaanga leleí mo e ‘ofá. Mou feʻofaʻaki. Naʻe akoʻi kitautolu ʻe Sīsū ke tau feʻofaʻaki mo fakahoko ki he niʻihi kehé e anga ʻoku tau loto ke fakahoko mai kiate kitautolú. ʻI heʻetau feinga hotau lelei tahá ke angaʻofá, ʻoku tau ofi ange ai kiate Ia.

Kapau ‘oku mou angakovi ki ha taha—fakafoʻituitui pe fakakulupu—fakapapau leva he taimí ni ke ke liliu. Poupou‘i e ni‘ihi kehé ke nau liliu foki.

ʻOku ou fakamoʻoni kia Sīsū Kalaisi, ko hotau Fakamoʻuí, ʻa ia naʻá Ne akoʻi kitautolu ke tau feʻofaʻaki ʻo hangē ko ʻEne ʻofa ʻiate kitautolú. ʻOku ou lotua te tau fai ia.

Taha kumi hūfangá: Ko ha taha ne pau ke mavahe mei honau ʻapí pea hiki ki ha feitu‘u kehe ke hao.

“ʻOku fie maʻu ʻe hotau māmaní hoʻomou leleí mo e ʻofá. Mou feangaʻofaʻaki.”

Palesiteni Dallin H. Oaks

Founga ke Maʻu ai ha Kaungāmeʻa Foʻou

ʻOku founga fēfē hoʻo fakahaa‘i ʻa e angaʻofá ki ha taha fo‘ou? Fēfē kapau ‘oku nau haʻu mei ha fonua kehe? Ki he sitepu takitaha, fakafonu ha fakakaukau pē ‘aʻau.

1. Malimali mo lea mālō e lelei.

   • “Mālō e Lelei! Ko hai ho hingoá?”

   • “‘Oku ou fiefia ʻokú ke ‘i heʻetau kalasí.”

   • ________________________________

2. Fakakaukau pe te nau ongoʻi fēfē:

   • Mā koe‘uhi he ʻoku teʻeki ke ʻi ai ha‘anau ngaahi kaungāmeʻa pe ʻoku nau lea ʻaki ha lea fakafonua kehe.

   • Loto-mamahi koe‘uhí ʻoku nau ‘ofa ki honau ʻapí.

   • Hoha‘a koeʻuhi ______________________.

3. Fakaafe‘i kinautolu.

   • “ʻOkú ke fie vaʻinga mo kimautolu?”

   • “Ta tangutu fakataha.”

   • ____________________________

4. Ke ke angaʻofa mo faʻa tokoni.

   • “‘Te u lava ʻo fakahinohino atu ʻa e feituʻu ‘oku mau kai hoʻatā aí.”

   • “Ko e meʻa ʻeni ʻoku tau hoko atu ki aí.”

   • _______________________________

5. Ako meiate kinautolu

   • “Ko e hā e keimi ʻokú ke saiʻia taha aí?”

   • “ʻOku fēfē ho‘o puʻaki ia ʻi hoʻo lea fakafonuá?”

   • _________________________________

6. Kapau te ke sio ʻoku angakovi ha niʻihi kiate kinautolu:

   • Lea hake ‘o taukaveʻi kinautolu.

   • Talanoa kiate kinautolu nautolu pe va‘inga mo kinautolu.

   • ____________________________

Ngaahi tā fakatātā ‘a Abby Carter