Ngaahi Nima Fietokoni ‘i he funga ʻo e Māmaní

Feʻiloaki mo Kālesi mei Pueto Liko

Fe‘iloaki mo e fānau Palaimeli ʻoku nau tokoniʻi e ni‘ihi kehé, hangē ko ia naʻe fai ‘e Sīsuú.

Ngaahi meʻa kotoa pē fekauʻaki mo Kālesí

Taʻu motuʻá: 6

Mei: Pueto Liko

Ngaahi lea fakafonuá: Lea faka-Sipeini, faka-Potukali, faka-Pilitānia

Fāmilí: Mami mo Teti

Ngaahi taumu‘á mo e fakaʻamú: 1) Ngāue fakafaifekau.2) Hoko ko ha tangata tāmate afi, toketā, pe ko ha ‘ōfisa polisi.

Nima Fietokoni ʻa Kālesí

‘Oku saiʻia ʻa Kālesi ke tokoni ki he kakaí. ʻOku pehē ʻe he‘ene faʻeé ‘okú ne maʻu ha me‘a-foaki makehe ki hono tokoni‘i ʻo e ni‘ihi kehé.

‘I Sānuali ʻo e 2020 ne tō ha mofuike mālohi ʻi Pueto Liko. Ko ha taimi fakailifia ʻeni ki he tokotaha kotoa pē. Naʻe pau ke mohe ʻa Kālesi mo hono fāmilí ʻi heʻenau loto kaá ‘i ha ngaahi uike lahi. Ka naʻe kei malimali pē ʻa Kālesi mo ngāue vave ke tokoni. Na‘á ne tokoni ke tufa e ngaahi naunau haisiní ki he ni‘ihi kehe ʻa ia na‘e mole honau ngaahi ʻapí pea mo kinautolu na‘e puke mo toulekeleká.

Naʻe toe tokoni foki ʻa Kālesi ki ha ‘aho fakavahaʻa puleʻanga ʻo e ngāue tokoní ʻi he Kalipiane. Na‘á ne tokoniʻi ‘a e kakai ʻi hono koló ke tufi e ʻū lauʻi‘akaú mo fakamaʻa e ngaahi loto ʻataʻataá. ‘Oku saiʻia ‘a Kālesi ke tokoni ki heʻene ongomātu‘á ʻi hono fō e valá, ngāue ‘i he ngoué, mo ngaohi ha tou ki heʻene me‘akai ʻoku sai‘ia taha aí, ʻa e pisá!

Ngaahi Meʻa ʻOku Saiʻia Taha ai ʻa Kālesí

Feitu‘u: Ko e paʻake vaí (water park)

Talanoa kau kia Sīsuú: ‘I he taimi naʻe fakamo‘ui ai ʻe Sīsū ‘a e kau kiliá

Hiva Palaimelí: “Naʻá Ne Fekau Hono ʻAló” (Tohi Hiva ʻa e Fānaú, 20)

Me‘akai: Laise hinehina, supo piini, moa, mo e pisa

Lanú: Kulokula

Lēsoni ‘i he akó: PE mo e fiká