Ngaahi Foʻi Haati ʻOlikamí

Ko e ʻolikamí, ko e ʻaati faka-Siapani ia ʻo hono tāpelupelu e laʻipepá. Muimui ʻi he ngaahi sitepú ke tāpelupelu ha haati pepa!

Kamata ‘aki ha laʻipepa tapafā tatau [sikuea]. Peluki vaeua ia ke faʻu ha fo‘i tapatolu [tulaiengikale], pea fakaava hake leva.
Peluki vaeua hifo leva mei he tafaʻaki ‘e tahá ke toe faʻu pē ha foʻi tapatolu [tulaiengikale]. Fakaava hake leva ke ʻi ai ha ongo foʻi mapelu ʻe ua ‘i hoʻo tapafā tataú [sikueá].
Peluki ‘a e tuliki ki ‘olungá ke fetaulaki mo e mapelu ʻi lotomālié.
Peluki ‘a e tuliki ʻi laló ke fetaulaki mo e konga ki ‘olungá.
Peluki hake ʻa e tafaʻaki toʻomataʻú ke fetaulaki mo e mapelu ʻi lotomālié.
Peluki hake foki ʻa e tafa‘aki toʻohemá ke aʻu ki he lotomālié.
Fulihi hake ‘a e laʻipepá. Peluki hifo ‘a e ongo tuliki ki ‘olungá mo e ongo tafaʻakí pea kuluu‘i pe tepiʻi kinautolu ki lalo.
Toe fulihi hake leva ki he tafaʻaki ʻe tahá. ʻOkú ke maʻu leva ha foʻi haati he taimí ni. Tohi ha ki‘i tohi angaʻofa ʻi ai pea ‘ave ia ki ha taha.

Ngaahi tā fakatātā ‘a Nicole Walkenhorst