Haʻu, ʻo Muimui ʻIate Au
Taimi Fiefia ʻi he Folofolá ma‘á e Fānau Īkí
ʻOku ʻalu fakataha ʻa e ngaahi fakakaukau ko ʻení mo e Haʻu, ʻo Muimui ʻIate Au—ma‘á e Fakafoʻituituí mo e Ngaahi Fāmilí ʻi he uike kotoa pē.
Ki he Tokāteline mo e Ngaahi Fuakava 60–62: Ngaohi ha ʻū pine fakafaifekau faingofua mei he laʻipepá. Tokoni ki ho‘omou fānau īkí ke pehē, “Te u lava ʻo hoko ko ha faifekau!”
Ki he Tokāteline mo e Ngaahi Fuakava 63: Tokoni ki ho‘o fānau īkí ke pehē, “Te u lava ʻo ʻapasia.” Taufetongi ‘i hono kūnima ho ongo nimá pea fakalongolongo ʻi ha ki‘i taimi siʻi.
Ki he Tokāteline mo e Ngaahi Fuakava 64–66: Taufetongi ‘i hono lea ʻaki ʻa e, “‘Oku ou kole fakamolemole atu” mo e “ʻOku ou fakamolemole‘i koe.” Tokoni ki ho‘o fānau īkí ke pehē, “Te u lava ʻo fakamolemole.”
Ki he Tokāteline mo e Ngaahi Fuakava 67–70: Kumi ha ngaahi ʻata ‘o e palōfitá ʻi he uepisaiti ‘a e Siasí pe ʻi he ʻū makasini ‘a e Siasí. Tokoni ki ho‘o fānau īkí ke pehē, “‘Oku akoʻi ‘e he palōfitá ʻa e folofola ʻa e ‘Otuá.”
Ki he Tokāteline mo e Ngaahi Fuakava 71–75: Tokoni ki ho‘o fānau īkí ke pehē, “Te u lava ʻo ngāue mālohi!” Akoʻi ki hoʻo fānaú ha ngāue faka‘api ʻe lava ke nau tokoni aí, hangē ko e tafí pe ko hono fakamaau ʻenau me‘avaʻingá.
Tā fakatātā ʻa Alessia Girasole