Tokoni Hangē ko Sīsuú
Naʻe Tokoni ʻa Sīsū ki he Niʻihi Kehé
Hili hono maʻu ‘e Sīsū Kalaisi ʻEne ‘ohomohe fakaʻosí mo ‘Ene kau ākongá, naʻá Ne fufulu honau vaʻé. Na‘a nau ʻohovale koe‘uhí he ko honau ʻEikí Ia. Na‘a nau fakakaukau ʻoku totonu ke nau fufulu ʻenautolu Hono ongo va‘é. Na‘á Ne folofola ange ko ‘Ene fakahoko iá ke akoʻi kiate kinautolu ʻa e mahuʻinga ke nau fetauhiʻakí, na‘a mo e kakai ʻoku ngali ʻikai ke fu‘u mahuʻingá. Na‘e akoʻi ‘e Sīsū te tau fiefia ‘i heʻetau tokoni‘i e niʻihi kehé.
ʻI hoku faiʻaho taʻu valú, na‘e ʻomi ‘e hoku kaungāmeʻá kotoa ha ngaahi naunau ako, pea ne mau ngaohi fakataha ha ngaahi seti naunau ma‘á e fānau naʻe ‘ikai ke nau maʻu haʻanau ngaahi naunau ki he akó. Na‘á ku ongoʻi fiefia ai ʻi heʻeku fakakaukau atu ʻe fiefia ʻa e fānaú ke ma‘u haʻanau seti naunau ki he akó. Ne u saiʻia ke ngāue tokoni mo hoku kaungāmeʻá mo e fāmilí. ‘Oku ou ʻilo‘i ʻoku lava ke ʻomi ʻe hono tokoni‘i e niʻihi kehé ‘a e fiefiá, melinó, mo e ʻofá.
ʻApikale H., taʻu 8, ʻIutā, USA
Tā fakatātaaʻi ‘e Fátima Anaya