Si‘i Kaungāmeʻa
Kuo foaki mai ‘e he Tamai Hēvaní kiate kitautolu ha ngaahi meʻaʻofa lahi—hangē ko e ngaahi temipalé, ngaahi folofolá, hotau sinó, pea mo hotau Fakamo‘uí. ‘Okú Ne finangalo ke tau tauhi mo talanoa fekauʻaki mo e ngaahi me‘aʻofa ko ʻení ʻi he faka‘apaʻapa mo e ‘apasia. ‘I he taimi ʻoku tau fakahoko ai ‘ení, ʻoku tau fakahaaʻi ki he Tamai Hēvaní ʻoku tau houngaʻia koe‘uhi ko e ngaahi meʻaʻofa kuó Ne foaki mai kiate kitautolú. Fakahoko e vaʻinga ‘i he peesi 24 ke ʻilo lahi ange. Ko e hā te ke fakahoko ke fakahaaʻi ai ‘a e ʻapasiá mo e faka‘apaʻapá?
ʻOku mau ʻofa atu!
Ko e Kaumeʻá
ʻOku Mau Saiʻia ʻAupito ke Sio ki he Temipalé
Hena mo Heilī-Seini N., taʻu 9 mo e taʻu 8, Temipale Perth Australia
Feituʻu ‘Oku Ou Lau Ai ʻa e Kaumeʻá
ʻOku lau ʻe Samenitā G., ta‘u 10, Nuevo Leona, Mekisikou ʻa e Kaumeʻá ‘i he lea faka-Sipeiní!
Ngaahi fononga mo Māko mo Paoló
Na‘e ʻikai ke ma lava ‘o folau ʻi he lolotonga ʻo e COVID-19, ko ia ai na‘á ma fakakaukau ke fakangalingali pē ʻa ʻema folau ʻi he funga ʻo e māmaní. Ne ma ngaohi ha fanga kiʻi katoleta mei he ʻū puhá ke tauhi ʻi loto ʻema paasipōtí, ʻū tikité, pea mo e ngaahi tohinoa fefolauʻaki fakangalingalí. ʻOkú ma saiʻia ʻaupito ʻi he ako mo folau holo ʻi he funga ʻo e māmaní mo Māko mo Paoló! Fakamālō atu ‘i hono tokoniʻi kimautolu ke fakakakato ‘emau taumuʻa faka‘atamaí maʻá e Fānaú mo e Toʻu Tupú.
Kona mo Sune H., taʻu 7 mo e taʻu 9, Uaiomingi, USA