Meti mo Menitī
ʻI ha efiafi fakafāmili ʻi ʻapi ‘i ha pō ʻe taha …
Ko e tefito ‘o e tui hono fitú ʻoku fekauʻaki ia mo e ngaahi me‘a-foakí—ngaahi meʻa-foaki ‘o e Laumālié. Menitī, te ke lau ‘a e laine ʻuluakí?
“‘Oku mau tui ki he me‘a-foaki ʻo e lea ʻi he ngaahi lea kehekehé, kikité, fakahaá, ngaahi me‘a-hā-maí …”
ʻOku ma‘u kotoa ʻa e ngaahi me‘a-foaki ko ʻení ʻo fakafou ‘i he Laumālie Māʻoni‘oní, pea ʻoku maʻu ʻe he tokotaha kotoa pē ha meʻa-foaki ‘e taha pe lahi ange.
Ko e hā ʻa e ngaahi meʻa-foaki ʻoku ou maʻú?
Meti, manatuʻi e taimi naʻá ke kole ai ha tāpuaki ʻo e lakanga fakataula‘eikí? Naʻá ke maʻu ʻa e tuí. Ko ha meʻa-foaki ia ʻo e Laumālié.
Menitī, naʻá ke fai hoʻo fakamoʻoní ʻi he lotú he māhina kuo ‘osí. Ko e fakamo‘oní ko ha meʻa-foaki ia ʻe taha ‘o e Laumālié.
‘Oku foaki mai ʻe he ʻEikí kiate kitautolu ‘a e ngaahi me‘a-foaki ko ʻení ke faitāpuekina ai ‘etau moʻuí mo tokoniʻi kitautolu ke tau fai lelei ki he ni‘ihi kehé.
Mani. Ko e taimi hoko pē te u fanongo ai ki ha ngaahi talanoa fekauʻaki mo e ngaahi meʻaʻofá, he ‘ikai ke u toe fuofua fakakaukau au ki he Kilisimasí!
“ʻOku mau tui ki he meʻa-foaki ʻo e lea ʻi he ngaahi lea kehekehé, kikité, fakahaá, ngaahi meʻa-hā-maí, fakamoʻui ʻo e mahakí, fakamatalaʻi ʻo e ngaahi lea kehekehé, mo e ngaahi meʻa peheé.”
Ngaahi tā fakatātā ʻa Matt Sweeney