ក្ដីស្រមៃរបស់អែលឌើរ ឌៀថើរ
បានដកស្រង់ចេញពីអែលឌើរ ឌៀថើរ អេស្វ អុជដូហ្វ « Call for Heroes! » ( BYU-Pathway Worldwide devotional ថ្ងៃទី ១៤ ខែកក្កដា ឆ្នាំ២០២០, byupathway.org/devotionals) ។
កាលនៅពីក្មេង អែលឌើរ ឌៀថើរ អេស្វ អុជដូហ្វ ចូលចិត្តមើលយន្តហោះ ។ លោកបានស្រមៃថា លោកកំពុងបើកយន្តហោះមួយដ៏ធំ ។
នៅថ្ងៃណាមួយ ខ្ញុំចង់ក្លាយជាអ្នកបើកយន្តហោះ ។
ប៉ុន្តែគ្រួសាររបស់អែលឌើរ ឌៀថើរ ពុំមានប្រាក់ច្រើនទេ ។ ពួកគាត់គឺជាជនភៀសខ្លួន ហើយត្រូវចាកចោលផ្ទះរបស់ពួកគាត់ពីរដងដើម្បីធ្វើដំណើរទៅកាន់ប្រទេសថ្មីមួយ ។
ខណៈដែលក្មេងៗផ្សេងទៀតកំពុងលេង អែលឌើរ ឌៀថើរបានធ្វើការជាក្មេងដឹកឥវ៉ាន់ដើម្បីជួយគ្រួសាររបស់លោក ។
ពេលខ្លះ លោកបានមានអារម្មណ៍ថាក្ដីស្រមៃរបស់លោកមិនអាចកើតឡើងបានទេ !
ប៉ុន្តែនៅពេលលោកបានធំដឹងក្ដី អែលឌើរ ឌៀថើរ បានខិតខំធ្វើការដើម្បីសម្រេចក្ដីស្រមៃរបស់លោក ។ លោកមានសេចក្ដីជំនឿថា ព្រះវរបិតាសួគ៌នឹងជួយលោក ។
លោកបានចូលបម្រើទ័ពជើងអាកាស ហើយបានបំពាក់បំប៉នជាអ្នកបើកយន្តហោះដ៏ឆ្នើមដែលលោកអាចធ្វើទៅបាន ។
នៅទីបំផុត លោកបានសម្រេចក្ដីស្រមៃរបស់ លោក ។ លោកបានបើកយន្តហោះដ៏ធំអស់ជាច្រើនឆ្នាំ !
ប្រហែលជាអ្នកឆ្ងល់ថាតើក្ដីស្រមៃរបស់អ្នកអាចកើតឡើងដែរឬទេ ។
វាប្រហែលជាពុំងាយស្រួលទេ ប៉ុន្តែអ្នកអាចធ្វើវាបាន ។
អ្នកអាចជួបនឹងឧបសគ្គ ប៉ុន្តែវាអាចធ្វើឲ្យអ្នកកាន់តែខ្លាំង ។ ព្រះគង់នៅជាមួយអ្នកនៅគ្រប់ជំហាន !
« ខិតខំធ្វើការ ។ មានសេចក្តីជំនឿ ។ មានសេចក្ដីសង្ឃឹម ។ ទុកចិត្តលើព្រះ ។ ប្រសិនបើអ្នកធ្វើផ្នែករបស់អ្នក នោះរឿងទាំងឡាយនឹងសម្រេចបាន » ។
រចនារូបភាព ដោយ ខេម ខេនដេល