ដំណើររឿងក្នុងព្រះគម្ពីរ
ទស្សននិមិត្តនៃផែនការរបស់ព្រះ
នៅថ្ងៃមួយ យ៉ូសែប ស៊្មីធ និងស៊ីឌនី រិកដុនកំពុងអានព្រះគម្ពីរ ។ ពួកលោកមាននូវទស្សននិមិត្តមួយ ។ ពួកលោកបានឃើញ ព្រះវរបិតាសួគ៌ា និងព្រះយេស៊ូវគ្រីស្ទ។
ពួកលោកបានដឹងថា ពីមុនយើងកើតមក យើងបានរស់នៅឯស្ថានសួគ៌ជាមួយនឹងព្រះ ។
យើងបានមកកាន់ផែនដីដើម្បីរៀនសូត្រពីរបៀបធ្វើតាមព្រះយេស៊ូវ ហើយស្ដាប់ព្រះវិញ្ញាណបរិសុទ្ធ ។ យើងរៀនគោរពបទបញ្ញត្តិទាំងឡាយ ហើយប្រែចិត្ត ពេលយើងធ្វើការជ្រើសរើសមិនល្អ ។
បន្ទាប់ពីយើងស្លាប់ទៅ យើងនឹងរស់ឡើងវិញ ។ ប្រសិនបើយើងជាមនុស្សសុចរិត យើងនឹងរស់នៅជាមួយនឹងព្រះវរបិតាសួគ៌ម្ដងទៀត ។
ខ្ញុំអាចរៀនអំពីផែនការរបស់ព្រះនៅក្នុងបទគម្ពីរ ។ ដោយសារតែព្រះយេស៊ូវ ខ្ញុំអាចរស់នៅជាមួយនឹងគ្រួសារខ្ញុំជារៀងរហូត ។
រចនារូបភាព ដោយ អាបរីល ស្តុត