មកពីគណៈប្រធានទីមួយ
ចូរមាន ចិត្តល្អ
បានដកស្រង់ចេញពី « Parents and Children » Ensign ឬ Liahona ខែ វិច្ឆិកា ឆ្នាំ ២០១៨ ទំព័រ ៦១–៦៧ ។
ខ្ញុំស្គាល់យុវជនម្នាក់ដែលជា ជនភៀស ខ្លួន ។ មានយុវជនមួយក្រុមផ្សេងទៀតបានសើចចំអកឲ្យគាត់ដោយសារតែគាត់ខុសប្លែកពីគេ ។ ពួកគេបានចំអកដាក់គាត់ដោយសារ គាត់និយាយភាសាខុសពីគេ ។ ព្រះវរបិតាសួគ៌មិនសព្វព្រះទ័យនឹងរឿងបែបនេះទេ ប្រសិនបើយើងមិនមានសន្ដានចិត្តល្អ ឬចិត្តកំណាញ់ចំពោះអ្នកដទៃនោះ ។ វាជាការមិនល្អទេដែលធ្វើបាបមនុស្សម្នាក់ទៀត ព្រួតគ្នាធ្វើបាបពួកគេ ឬបដិសេធពួកគេនោះ ។
កុមារជាទីស្រឡាញ់ ពិភពលោកយើងត្រូវការសេចក្ដីល្អ និងសេចក្ដីស្រឡាញ់របស់ក្មួយៗ ។ ចូរមានសន្តានចិត្តល្អចំពោះគ្នា ។ ព្រះយេស៊ូវបង្រៀនយើងឲ្យប្រព្រឹត្តចំពោះអ្នកដទៃដូចយើងចង់ឲ្យគេប្រព្រឹត្តចំពោះយើងដែរ ។ នៅពេលយើងព្យាយាមឲ្យអស់ពីលទ្ធភាពដើម្បីមានចិត្តល្អ នោះយើងខិតកាន់តែជិតទ្រង់ ។
ប្រសិនបើក្មួយៗធ្វើមិនល្អចំពោះមនុស្សណាម្នាក់—ដោយម្នាក់ឯង ឬជាក្រុម—សូមផ្លាស់ប្ដូរគំនិតរបស់ក្មួយៗនៅពេលនេះ ។ សូមលើកទឹកចិត្តអ្នកដទៃឲ្យផ្លាស់ប្ដូរផងដែរ ។
ខ្ញុំសូមថ្លែងទីបន្ទាល់អំពីព្រះយេស៊ូវគ្រីស្ទ ព្រះអង្គសង្គ្រោះយើងដែលបានបង្គាប់ឲ្យយើងស្រឡាញ់គ្នា ដូចជាទ្រង់ស្រឡាញ់យើង ។ ខ្ញុំសូមអធិស្ឋានថាយើងនឹងធ្វើរឿងបែបនេះ ។
របៀបរាប់អានមិត្តភក្តិថ្មី
តើអ្នកបង្ហាញសន្ដានចិត្តល្អចំពោះមនុស្សថ្មីម្នាក់តាមរបៀបណា ? ចុះប្រសិនបើពួកគេមកពីប្រទេសផ្សេង ? សូមបំពេញគំនិតផ្ទាល់ខ្លួនមួយរបស់អ្នកសម្រាប់ជំហាននីមួយៗ ។
-
ញញឹម ហើយនិយាយពាក្យសួស្ដី ។
-
« សួស្តី ! តើអ្នកឈ្មោះអី ?
-
« ខ្ញុំរីករាយដែលអ្នករៀនជាមួយយើង » ។
-
________________________________
-
-
សូមគិតពីអារម្មណ៍ដែលពួកគេអាចមាន ៖
-
អៀន ដោយសារពួកគេមិនមានមិត្តភក្ដិ ឬពួកគេនិយាយភាសាផ្សេង ។
-
សោកសៅ ដោយសារពួកគេនឹកផ្ទះរបស់ពួកគេ ។
-
ព្រួយបារម្ភ ដោយសារ______________________ ។
-
-
អញ្ជើញពួកគេ ។
-
« តើអ្នកចង់លេងជាមួយនឹងយើងទេ ? »
-
« តោះចូរយើងអង្គុយជាមួយគ្នា » ។
-
____________________________
-
-
ចូរមានចិត្តល្អ ហើយចេះជួយ ។
-
« តើខ្ញុំអាចញ៉ាំបាយថ្ងៃត្រង់ជាមួយអ្នកបានទេ? » ។
-
« នេះគឺជាអ្វីដែលយើងធ្វើបន្ទាប់ » ។
-
_______________________________
-
-
រៀនពីពួកគេ ។
-
« តើល្បែងកម្សាន្តអ្វីដែលអ្នកចូលចិត្ត ? »
-
« តើអ្នកនិយាយថាម៉េចជាភាសារបស់អ្នក ? »
-
_________________________________
-
-
ប្រសិនបើអ្នកឃើញមនុស្សធ្វើអាក្រក់ដាក់ពួកគេ ៖
-
និយាយការពារពួកគេ ។
-
និយាយនឹងពួកគេ ឬលេងជាមួយនឹងពួកគេ ។
-
____________________________
-
រចនារូបភាព ដោយ អាប៊ី ខាធើរ