Uo i le Uo
O Se Lagona o le Filemu
Mai se faatalanoaga ma Lucy Stevenson Ewell.
I se tasi taeao a o 11 o’u tausaga, sa ou ala a’e ma faalogoina ni leo i totonu o le potu malolo. E leai se tasi na sau e fafagu mai a’u i luga mo le a’oga e pei ona latou masani ai. Ina ua ou alu e vaai po o le a le mea o tupu, sa ou iloa ai ua maliu lo’u Tama.
A o talanoa lo’u aiga i le potu malolo, sa ou alu i le matou togalaau. Sa tele le matou togalaau, ma sa ma galulue ma lo’u Tama e fesoasoani e vaai. Sa ou nofo i lalo i luga o le nofoa i lalo o le laau ma tagi ai. Sa ou lagonaina le faanoanoa tele ma le le mautonu.
Ina ua mavae ni nai minute, sa ou vaai i lo’u faiaoga Peraimeri o tatalaina le faitotoa. Sa sau o ia ma nofo i luga o le nofoa i o’u autafa ma faapea mai, “Joni, e te manatua le lesona sa tatou faia i le Aso Sa ua tuanai e uiga i le ata o le faaolataga?” Sa toe faamatala mai e lo’u faiaoga ia te a’u e faapea, o o tatou agaga na faia i se agaga ma se tino. Sa ia fai mai o le agaga o lo’u tama ua i ai i se nofoaga lelei, ma o le a i ai se aso o le a toetu mai ai o ia. E i ai se aso ou te toe vaai ai ia te ia.
E ui lava sa ou faanoanoa pea, ae sa o’u lagonaina le filemu. Ou te manatua le filemu i taimi uma ou te mafaufau ai i lena aafiaga. Sa auauna mai lo’u faiaoga o le Peraimeri ia te a’u, ma sa faamafanafanaina a’u e le Agaga Paia. Sa fesoasoani e fausia ai la’u molimau i le alofa o le Tama Faalelagi ma le ata o le faaolataga.
Po o le a lava le mea o loo feagai ma oe, e alofa le Atua ia te oe. E le faapea e tatau ona e avea ma se tagata matua e te lagona ai le molimau mai o le Agaga o le a lelei mea uma. E mafai ona e fausia se molimau i le fuafuaga a le Tama Faalelagi. E mafai ona e lagonaina le filemu.
Ata na tusia e Arthur Lin