Mai le Au Peresitene Sili

Pese mo Iesu

Saunia e Peresitene Dallin H. Oaks

Fesoasoani Muamua i le Au Peresitene Sili

Fetuunai mai le “Tapuai e Ala i Musika,” Ensign,, Nov.1994, 9–12.

Ata

three children singing

O le usuina o viiga ma pese o le Peraimeri o se auala lea e faaali atu ai lo tatou alofa mo Iesu. Na Ia faia se faataitaiga mo i tatou. I le faaiuga o le Talisuaga Mulimuli, sa pepese faatasi ai Iesu ma Ana Aposetolo (tagai Mataio 26:30).

E mafai e le pesepesega ona:

Faaalia lo tatou alofa mo Iesu.
Aumai le Agaga Paia.
E saunia ai i tatou e a’oa’o i le talalelei.
E tuuina mai le malosiaga faaleagaga ia i tatou.

Pe a e pese, mafaufau po o a mea o loo ta’u mai e upu. A faaosoosoina oe e fai se filifiliga leaga, taumafai e hamu se pese o le Peraimeri. A o e pese, o le a e lagona le latalata atili atu i le Tama Faalelagi ma Iesu Keriso.

Filemu ia Keriso

Ata

coloring page of Jesus calming the storm

I se tasi aso a’o folau Iesu ma Ona soo i se vaa, sa i ai se matagi matautia. Na fefefe le au soo. Na latou fafagu Iesu ma fai atu ia te Ia mo se fesoasoani. “Ona tulai lea o [Iesu], ua na vavao atu i le matagi, ua fetalai atu foi i le vai, Faalologo ia, ina Malu ia. Ona mate lea o le matagi, i le ua matua malu” (Mareko 4:39).

Valivali le ata. Ona tusi lea i lalo nisi o pese e te fiafia i ai e uiga ia Iesu. Pe a e lagonaina le tuua na o oe po o le fefe, usu se tasi o pese e lagona ai le mafanafana ma le filemu.

Ata

Friend Magazine, Global 2021/09 Sep

Ata na tusia e Jared Beckstrand