Tusia e Oe
Taumafai ia Avea Faapei o Iesu
Emilie T., 11 tausaga, North Jutland, Tenimaka
Ua saunoa mai le perofeta e faapea, e fiafia le Alii i taumafaiga, o lea ou te taumafai ai ia pei o Iesu e ala i le fesoasoani atu pe a ou vaai i se mea e manaomia [ai le fesoasoani]. Ina ua matou i ai i le fale i le taimi o le faanofoesea, sa ou fesoasoani i lo’u tina e faia sina a’oga laitiiti mo o’u uso laiti e toalua, e maua i le ma’i o le faaletonu o le tuputupu ae [autism]. Sa ou faia ni meaaoga laiti ma fesoasoani ia i la’ua.
Ou te mulimuli ia Iesu e ala i le auai i le lotu ma faia mea ou te a’oa’oina i le Peraimeri ma i afiafi faaleaiga. Ou te taumafai e agalelei i isi, e ui e faigata i nisi o taimi. O a’u o se faataitaiga lelei i a’u uo i le a’oga e ala i le le palauvale. Ou te taumafai e a’oa’o mai a’u mea sese. Ou te tatalo mo soo se musumusuga ma le malosi ou te manaomia. Ou te iloa a o’u tatalo, o le a ou maua se tali ma o le a faamautu mai e le Agaga Paia e ala i lou lagonaina o le mafanafana i totonu.
O le tatalo o se auala lelei lea e fesoasoani ai i isi. Ina ua i ai lo’u tamamatua i le falemai ma sa matou le iloa po o le a le mea na faaletonu ia te ia, sa ou tatalo mo ia. Ona maua lea e lo’u tama se valaau mai le telefoni e faapea, o le a manuia lo’u tamamatua. Sa ou matua fiafia lava, ma sa mafai ona lagona e lo’u tamamatua sa ou tatalo mo ia. E le o taimi uma tatou te vave maua ai tali, ae ou te iloa o le a fesoasoani mai le Atua ia i tatou ia toafimalie a o tatou faatalitali.
Ata na tusia e Augusto Zambonato