Sau, Mulimuli Mai ia te A’u

Taimi Fiafia i Tusitusiga Paia

O nei manatu e o faatasi ma le Sau, Mulimuli Mai ia te A’u—mo Tagata Taitoatasi ma Aiga i vaiaso taitasi.

Taimi o le Malumalu

girl standing in front of temple

Mo le Mataupu Faavae ma Feagaiga 94–97

• Usu le “Ou te Fia Vaai i le Malumalu,” (Tusipese a Tamaiti, 99).

• Sa ta’u atu e Iesu i le Au Paia e fausia se malumalu (vaai i le Mataupu Faavae ma Feagaiga 95:8). O Malumalu o nofoaga taua ia e mafai ona tatou faia ai feagaiga (folafolaga) ma le Tama Faalelagi ma faamauina i o tatou aiga.

• Alu i le temples.ChurchofJesusChrist.org e vaai ai i ata o malumalu i le salafa o le lalolagi. Talanoa pe aisea e matua paia ma faapitoa ai malumalu.

O Foliga fiafia

smiley-faced sun made of paper plate

Mo le Mataupu Faavae ma Feagaiga 98–101

• Usu le “Ua Susulu Mai Nei o le La,” (Viiga, nu. 140).

• Na fetalai Iesu, “O a’u e atoatoa ai lo outou olioli” (Mataupu Faavae ma feagaiga 101:36). O le olioli o le fiafia tumau lea e te lagonaina i lou loto.

• Tusi se foliga fiafia ma se foliga faa’u’u i soo se itu o se ipu pepa mafolafola po o se li’o pepa. Ia ta’u mai faatasi nisi o mea e maua ai e tagata le fiafia po o le faanoanoa ma tuu i luga le foliga fiafia po o le faanoanoa. Ia mautinoa e ta’u mai ni mea fiafia e uiga ia Iesu!

Fai mai Iesu …

hands making a heart shape

Mo le Mataupu Faavae ma Feagaiga 102–105

• Usu le “O Le a Ou Lototoa” (Tusipese a Tamaiti, 85).

• Na a’oa’o mai Iesu e faapea, afai tatou te tausia poloaiga, o le a faamanuiaina i tatou (tagai i le Mataupu Faavae ma feagaiga 103:7).

• Fai atu i se tagata e fai mai “na fai mai Iesu” ona ta’u atu lea o se mea na poloai mai Iesu tatou te faia. Ona fai lea o se taga e o faatasi ma upu. Mo se faataitaiga, afai e fai mai le tagata, “na fai mai lesu ia alofa i tagata uma,” e mafai ona e faia se fatu i ou lima. Afai e fai mai le tagata, “na fai mai Iesu e tatalo,” e mafai ona e piilima ou lima. Ia auauai e tau mai mea na fai mai ai Iesu.

Valivaliga o le Konafesi

boy writing letter

Mo le Mataupu Faavae ma Feagaiga 106–108

• Usu le “Ia Viia Oe le Atua, mo le Perofeta” (Viiga, nu. 10).

• Ua valaauina e Iesu ia perofeta, aposetolo, ma isi e taitai le Ekalesia (tagai i le Mataupu Faavae ma Feagaiga 107:21–26). Tatou te faalogo atu i nisi o nei taitai i le konafesi aoao!

• A o e faalogologo i le konafesi, faaaoga gaoioiga o loo i itulau 24–25 e fesoasoani ia te oe ia tumau ai le taulai atu. Ona tusi lea i le Uo e ta’u mai ia i matou mea e sili ona e fiafia i ai e uiga i le konafesi aoao.

Ou te Fia Vaai i le Malumalu

temple drawing

Mo le Mataupu Faavae ma Feagaiga 109–110

• Usu le “O le Agaga o le Atua,” (Viiga, nu. 2).

• Ina ua uma ona fausia le malumalu o Katelani ma faapaiaina, sa faaali atu Iesu Keriso iina ia Iosefa Samita ma Oliva Kaotui (tagai i le Mataupu Faavae ma Feagaiga 110:2–7). O le malumalu o le maota o le Alii. E mafai ona e a’oa’o atili e uiga i le Malumalu o Katelani i le itulau 42.

• Tusi se ata o le malumalu e sili ona e fiafia i ai. Usu le “Ou te Fia Vaai i le Malumalu,” (Tusipese a Tamaiti, 99). O taimi uma lava e te usuina ai le upu malumalu, tuu i luga lau ata o le malumalu. Mafaufau i ni isi upu i le pese e faaalia ai le faapitoa ma matagofie o malumalu.

Friend Magazine, Global 2021/09 Sep

Ata na tusia e Katy Dockrill