Mea Faafiafia

Lu’i o le Auaunaga Origami [Mamanu Pepa]

illustrated oribami instructions

A tatou auauna atu i isi, ua tatou auauna atu foi ia Iesu. Muamua ia mulimuli i sitepu o le origami [gaugauga o pepa i mamanu]. Ona faaaoga lea o lau galuega taulima gaugau e fai ai le gaoioiga o loo i lalo faatasi ma se uo pe na’o oe lava.

Auala e Fai Ai

1. Gagau se fasi pepa faatafafa i le afa i itu uma e lua, ona toe tatala lea.

2. Gagau i le afa faasoo i itu uma e lua, ona toe tatala lea.

3. Gagau tulimanu taitasi i le ogatotonu e fai ai se faatafafa.

4. Liliu le isi itu o le faatafafa ma toe gagau tulimanu i le ogatotonu.

5. Tusi le numera 1–8 i luga o tafatolu taitasi.

6. I lalo o ufiufi taitasi ua faanumera, tusi ai se mea agalelei e mafai ona e faia mo se isi tagata.

7. Liliu le faatafafa i leisi itu. I luga o ufiufi taitasi, tusi ai se upu e faamanatu atu ai ia te oe ia Iesu.

8. Faamaulu ou tamatamailima i lalo o ufiufi e fa ina ia mafai ai e le origami [mamanu pepa] ona lālā i luga.

Faiga o le Taaloga!

1. Filifili se tasi o upu ma sipela leotele. I mataitusi taitasi, faaminoi ou tamatamailima e faavā ai le origami [mamanu pepa] i tua ma luma.

2. Filifili se numera. Faitau ia oo i le numera, toe faaminoi ou tamatamailima i numera taitasi.

3. Filifili se isi numera. Laga i luga le ufiufi ma faitau ia mea o loo i lalo. Ona fai lea o lena faatinoga agalelei mo se tasi!

Ata na tusia e Nicole Walkenhorst ma Adobestock.com