Faaali ma Ta’u Atu
Sa faigata ona faalogo ma faaaloalo i taimi na fai ai a matou lotu i le fale i le taimi o le faamai. Sa ou taumafai e mafaufau pe mafai faapefea ona ou fesoasoani ia maua ai se lagona faapitoa ma le faaaloalo. Sa ou maua se manatu. Sa ou aveina ni pusa lapopoa se lua ma faia ai se pulelaa. Sa ou lagona le fiafia e fesoasoani i le faia o le matou lotu i le aiga ia faapitoa.
Presley F., 9 tausaga, Saxony, Siamani
Pe a ou vaai i se tasi i le a’oga na’o ia po o leaga lona aso, ou te valaaulia i latou matou te taaalo faatasi.
Otilia H., 9 tausaga, Itulagi o Hovedstaden, Tenimaka
Ou te faafetai mo se perofeta soifua. Ou te fiafia e suesue i tusitusiga paia ma lo’u aiga i vaiaso taitasi e faaaoga ai le Sau, Mulimuli Mai ia te A’u. E fesoasoani ou te malamalama ai i a’oa’oga a Iesu.
Cannon A., 10 tausaga, Arisona, ISA
Sa ou faitauina le Tusi a Mamona ina ua uma ona aoai au. Na sau lo’u tina ma vaai mai o loo ou faitau ma fai mai, o se manatu lelei tele lea e fesoasoani e faatoafilemu ai au. Sa ou maua se lagona mafanafana.
Ellie K., 7 tausaga, New Hampshire, ISA
Ina ua o’u ma’i, sa ou lagonaina le Agaga Paia ina ua tuuina mai e lo’u Tama ia te a’u se faamanuiaga faaleperisitua. Ou te faafetai mo lo’u tina ma lo’u tama.
Everett O., 6 tausaga, Ohaio, ISA
E i ai sa’u fagafao iguana, ma o soo se taimi lava e sola ai e faia sa’u tatalo i le Tama Faalelagi ina ia toe fo’i mai.
Ana C., 6 tausaga, Espirito Santo, Pasila
Sa fai mai la’u uo ou te taalo i se taaloga vitio i le Aso Sa. Sa ou matuai manao lava i ai ae sa o’u fai atu e leai. Ou te manao ia tausia le Aso Sapati ia paia.
Benjamin C., 9 tausaga, Kalefonia, ISA
“Tatou te Auai Uma Lava,” Madison C., 10 tausaga, Iuta, ISA
Alan M., 10 tausaga, Kalefonia, ISA
Dallin H., 6 tausaga, Aukilani, Niu Sila
“O le Malumalu,” Vimbai M., 9 tausaga, Dar es Salaam, Tanzania