Sau, Mulimuli Mai ia te A’u
Taimi Fiafia i Tusitusiga Paia mo Fanau Laiti
O nei manatu e o faatasi ma le Sau, Mulimuli Mai ia te A’u—mo Tagata Taitoatasi ma Aiga i vaiaso taitasi.
Mo le Mataupu Faavae ma Feagaiga 94–97: Fai atu i tagata uma e ave ae o latou lima i luga ae o o latou ulu e pei o se tumutumu o le malumalu. Ona tuutuu ifo lea i lalo ou lima e siosio ai le tasi ma le isi i se opo faaleaiga. Talanoa e uiga i faamanuiaga e mafai ona maua e aiga i le malumalu. Fesoasoani i lau fanau laiti ia fai mai, “e mafai ona ou faatasi ma lo’u aiga e faavavau!”
Mo le Mataupu Faavae ma Feagaiga 98–101: Fesoasoani i lau fanau laiti ia fai mai, “e mafai e Iesu Keriso ona fesoasoani ia ou lagona le filemu.” Talanoa e uiga i auala eseese e mafai ai e tagata ona lagona le toafilemu. O nisi o manatu e mafai ona i ai o le tatalo, faitauina o tala i tusitusiga paia, faalogologo i musika lelei, po o le malolo filemu.
Mo le Mataupu Faavae ma Feagaiga 102–105: O aiga, aai, ma atunuu o loo i ai tulafono e saogalemu ai tagata. Ua tuuina mai e le Tama Faalelagi ia i tatou foi ni tulafono, po o ni poloaiga. Talanoa e uiga i nisi o nei tulafono ma poloaiga ma pe aisea e taua ai le mulimuli i ai, e tusa lava pe faigata i nisi o taimi. Fesoasoani i lau fanau laiti ia fai mai, “E mafai ona ou usita’i i poloaiga.”
Mo le Mataupu Faavae ma Feagaiga 106–108: Fesoasoani i lau fanau laiti ia fai mai, “E mafai ona ou mulimuli i taitai o le Ekalesia.” Uu i luga se ata o le perofeta. Talanoa e uiga i le ala e mafai ai e lou aiga ona mulimuli i le taitaiga a le perofeta.
Mo le Mataupu Faavae ma Feagaiga 109–110: Galulue faatasi o se aiga e tusi se ata o se malumalu. Ona usu lea o le “Ou Te Fia Vaai i le Malumalu” (Tusipese a Tamaiti, 99). Talanoa e uiga i le mafuaaga e taua ai le malumalu ia te oe. Fesoasoani i lau fanau laiti ia fai mai, “O le malumalu o se nofoaga faapitoa.”
Ata na tusia e Alessia Girasole