Kaumeʻa ki he Kaumeʻa
Ko ha Potu Toputapu
Mei ha ‘initaviu mo Chad Strang.
ʻOku tuʻu hoku ʻōfisí ʻi he malumalu ʻo e Temipale Sōlekí. ʻI heʻeku sio ki tuʻa he matapā sioʻatá, ʻoku ou sio ai ki he ngaahi lea ʻi he temipalé ʻoku pehē, “Māʻoniʻoni ki he ʻEikí: Ko e Fale ʻo e ʻEikí.”
ʻOku ʻi he temipale kotoa pē ʻa e ngaahi lea ko iá. ʻOku fakamanatu mai ʻe he “Māʻoniʻoni ki he ʻEikí” ʻoku fie maʻu ke tau moʻui taau ke hū ki loto.
ʻOku ʻuhinga ʻa e moʻui tāú ki he feinga ke fai ʻa e meʻa ʻoku finangalo ʻa e ʻEikí ke tau faí. Naʻa mo hoʻo kei siʻí, te ke lava ʻo teuteu ke hū ʻi ha ʻaho ki he temipalé.
Te ke lava ʻo teuteu ʻi ha ngaahi founga faingofua. Ko ha feituʻu ke ako ai fekauʻaki mo e Tamai Hēvaní mo Sīsū Kalaisi Te ke lava ʻo lotu. Te mou lava ʻo maʻu ʻa e sākalamēnití. Te ke lava ʻo tauhi e ngaahi fekaú. Te mou lava ʻo maʻu e hingoa ʻo e ngaahi kui ne teʻeki ai ke papitaisó koeʻuhí ke lava ha taha ʻo papitaiso maʻanautolu ʻi he temipalé. Te ke lava ʻo feinga ho lelei tahá ke angaʻofa, ke ʻofa ʻiate kinautolu ʻoku mou feohí, ke fakamolemoleʻi, pea tokoni.
ʻI hoʻo fai e ngaahi meʻá ni, ʻoku mateuteu ai ho lotó ke hū ki he fale ʻo e ʻEikí, ko ha feituʻu ʻo e māʻoniʻoni.