Mei he Kau Palesitenisī ʻUluakí

ʻOfa ʻi he Temipalé

Fai ʻe Palesiteni Henry B. Eyring

Tokoni Ua ʻi he Kau Palesitenisī ʻUluakí

Toʻo mei he “Ko ha ʻApi ʻOku Nofoʻia ʻe he Laumālie ʻo e ʻEikí,” Ensign pe Liahona, Mē 2019, 22–25.

ʻOku tokoniʻi kitautolu ʻe he temipalé ke tau ako ke ʻofa ʻi he ngaahi feituʻu fakalangí. ʻOku moʻoni ʻaupito ʻeni he taimi ʻoku kei iiki ai e fānaú. ʻE lava ke ongoʻi ʻe he fānaú ʻoku toputapu ʻa e temipalé.

ʻI heʻene kei tamasiʻí naʻe ʻiloʻi ʻe Palesiteni ʻEselā Tafu Penisoni ʻoku mahuʻinga ʻa e temipalé. Naʻá ne siofi hono haiane fakalelei ʻe heʻene faʻeé hono teunga temipalé. Naʻá ne siofi hono fāmilí ʻi heʻenau mavahe mei hono ʻapí ke ʻalu ki he temipalé.

ʻI heʻene hoko ko e palōfitá, naʻá ne ʻalu ki he temipalé ʻi he uike kotoa pē. Naʻá ne fai maʻu pē ha ngāue fakatemipale ki ha kui.

Te ke lava foki mo koe ʻo ako ke ʻofa ʻi he temipalé he taimí ni. ʻOku ʻi ai hamou niʻihi ʻoku ʻi ai ha fakatātā ʻo e ngaahi temipalé ʻi homou ngaahi ʻapí. ʻE lava ke ʻaʻahi hamou tokolahi ki he kelekele ʻo e temipalé. ʻE ʻi ai ha niʻihi te nau lava ki he ngaahi ʻoupenihausí ʻi hono langa e ngaahi temipalé.

Koeʻuhí ko e temipalé, ʻoku tau maʻu ai ʻa e ʻamanaki lelei te tau lava ʻo nofo mo hotau ngaahi fāmilí ʻo taʻengata.

Kosi (e fakatātā) ʻo e Temipalé

Kosi, pelu, kuluuʻi!

Kosi ʻo toʻo ʻa e temipalé.
Pelu ʻi he ngaahi laine motumotú.
Tānaki atu ha kulū ki he tab takitaha pea lomiʻi fakataha ʻa e ongo tafaʻaki ofi tahá.
Tā fakatātaaʻi koe pe ko e kau mēmipa ho fāmilí heni.