Ko ʻEku Fuofua ʻAʻahi ki he Temipalé
Hola! Ko ʻElena au. Ko ʻeku fuofua ʻalu ʻeni ki he temipalé.
ʻI he ngaahi uike siʻi kuo hilí, ne u fakataha ai mo ʻeku pīsopé. Naʻá ne fai mai ha ngaahi fehuʻi ke tokoni ʻi hono fakapapauʻi ʻoku ou mateuteu ke ʻalu ki he temipalé. (Te ke lava ʻo lau e ngaahi fehuʻí ʻi he peesi 35!) Naʻá ne foaki mai leva haʻaku lekomeni temipale.
ʻOku mau teuteu ke mau ō. Naʻá ku tui leva hoku vala lotú. ʻOku ou faʻo foki ha ngaahi meʻa ngaahi ʻulu ki he hili ʻene vivikú. Pea ʻoku ou fakapapauʻi ʻoku ou maʻu ʻeku lekomení. Ko ʻeni kuo mau ʻalu ke tali e pasí!
Ko e temipalé ʻena! ʻOku fakaʻofoʻofa ʻaupito.
ʻOku ou ongoʻi nonga ʻi he taimi ʻoku ou hū ai ki he loto temipalé. ʻOku ou fakaʻaliʻali ʻeku lekomení ki he tokotaha ngāue temipale angalelei ʻi he tesi talitalí. ʻOku ʻomi ʻe ha taha ngāue temipale ʻe taha ha teunga hinehina kiate au. ʻOku ou ʻalu ki he loki fetongí ke fetongi.
ʻOku ou tatali ʻeni ki he taimi ke u papitaiso aí. ʻI he hoko e taimi hoku tuongʻané, ʻoku ou tuʻu he faiʻanga papitaisó ke u hoko ko ha fakamoʻoni. ʻOku ou fakapapauʻi ʻokú ne uku kakato ʻi he vaí.
Ko hoku taimí ʻeni! ʻOku māfana ʻa e vaí. ʻOku ou papitaiso hokohoko maʻá e kakai tokolahi.
ʻI heʻeku hū ki tuʻá, ʻoku ʻomai ʻe ha taha ngāue temipale ha tauveli. ʻOku ou kaukau ʻi he loki fetongí peá u fetongi ki hoku vala Sāpaté. ʻI heʻeku hū mai ki tuʻá, ʻoku ʻave au ʻe ha tokotaha ngāue temipale ke hilifakinima au maʻá e kakai tokolahi.
Naʻe makehe ʻaupito hoku taimi ʻi he temipalé! ʻOku ou fiefia ke u lava ʻo tokoni ki he niʻihi kehé ʻaki ʻeku papitaiso mo hilifakinima maʻanautolu. ʻOku ʻikai ke u faʻa tatali ke toe foki mai.
Ngaahi tā fakatātā ʻa Rachel Hoffman-Bayles