Ngaahi Talanoa mei he Folofolá
Na‘e Fakahingoa ‘e Sīsū Kalaisi ‘a Hono Siasí
Naʻe fakahā ʻe Sīsū Kalaisi kia Siosefa Sāmita e meʻa ke fakahingoa ʻaki e Siasí. Naʻá Ne folofola ʻe ui ia ko e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.
Ko e ongo foʻi lea Sīsū Kalaisí ʻa e konga mahuʻinga taha ʻo e hingoa ʻo e Siasí. Koeʻuhi ko e Siasi ia ʻo Sīsū Kalaisí, ʻoku fakahingoa ai ia kiate Ia.
ʻOku ʻuhinga ʻa e Kau Māʻoniʻoni ʻi he Ngaahi ʻAho Kimui Ní ki he kāingalotu ʻo e Siasí ʻi he ʻaho ní.
Kuo akoʻi ʻe he kau palōfitá mo e kau ʻaposetoló ʻoku mahuʻinga hono fakaʻaongaʻi e hingoa totonu ʻo e Siasí. ʻOkú ne tokoniʻi e niʻihi kehé ke nau ʻiloʻi ʻoku tau tui kia Sīsū Kalaisi.
ʻI he taimi ʻoku ʻeke mai ai ʻe he niʻihi kehé pe ko e hā ʻoku ou tui ki aí, te u lava ʻo pehē, “ʻOku ou tui kia Sīsū Kalaisi. ʻOku ou kau ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.” ●
Ngaahi tā fakatātā ʻa Apryl Stott