Haʻu, ʻo Muimui ʻIate Au
Taimi Fiefia ‘i he Folofolá ma‘á e Fānau Īkí
ʻOku ʻalu fakataha ʻa e ngaahi fakakaukau ko ʻení mo e Haʻu, ʻo Muimui ʻIate Au—ma‘á e Fakafoʻituituí mo e Ngaahi Fāmilí ʻi he uike takitaha.
Maʻá e Tokāteline mo e Ngaahi Fuakava 111–114: Taufetongi ʻi hono tataki ho fāmilí ʻi ha laine lolotonga ʻoku mou fepikinima kotoa. Tokoniʻi hoʻo fānau īkí ke nau pehē, “ʻE tataki au ʻe Sīsū Kalaisi.”
Maʻá e Tokāteline mo e Ngaahi Fuakava 115–120: Tokoni ki ho‘omou fānau īkí ke pehē, “‘Oku ou kau ki he Siasi ʻo Sīsū Kalaisí.” Hivaʻi pe fanongo ki he foʻi hiva “Ko e Siasi ʻo Sīsū Kalaisí” (Tohi Hiva ʻa e Fānaú, 48) pea lau ʻa talanoa fakafolofola ʻi he peesi (42).
Maʻá e Tokāteline mo e Ngaahi Fuakava 121–123: Talanoa fekauʻaki mo e meʻa ʻokú ne ʻai hoʻo fānau īkí ke nau ongoʻi lelei ange ʻi he taimi ʻoku nau loto mamahi aí, hangē ko hano hivaʻi ha foʻi hiva Palaimeli pe fai ha lotu. Tokoniʻi hoʻo fānau īkí ke nau pehē, “Te u lava ʻo ongoʻi fiemālie.”
Maʻá e Tokāteline mo e Ngaahi Fuakava 124: Fakaʻaliʻali ha fakatātā ʻo ha temipale ʻoku ofi atu kiate kimoutolu pea talanoa ki he ʻuhinga ʻoku makehe ai ʻa e temipalé. Tokoniʻi hoʻo fānau īkí ke nau pehē, “ʻOku ou ʻofa ʻi he temipalé.”
Ngaahi tā fakatātā ʻa Alessia Girasole