Nima Fietokoni ‘i he funga ʻo e Māmaní

Fe‘iloaki mo Nētane mei he Lepupelika ‘o Kongokoú

Fe‘iloaki mo e fānau Palaimeli ʻoku nau tokoniʻi e ni‘ihi kehé, hangē ko ia naʻe fakahoko ‘e Sīsuú.

Ngaahi me‘a kotoa fekauʻaki mo Nētané

Taʻu: 10

Mei he: Lepupelika ʻo Kongokoú

Lea fakafonuá: Falanisē

Fāmilí: Fineʻeikí, Tangataʻeikí, mo ha ngaahi tehina mo e tuofāfine ʻe toko tolu

Ngaahi Taumuʻá mo e Ngaahi Fakaʻānauá: 1) Kau maʻu pē ʻi he lisi fakalāngilangi ʻo e akó. 2) Vaʻinga pasiketipolo. 3) Hoko ko ha toketā.

Ko e Nima Fie Tokoni ʻo Nētané

Nathan reading with his younger siblings

ʻOku saiʻia ʻa Nētane he laukongá. Ko e ngaahi tohi ʻokú ne saiʻia taha aí ko e Tohi ʻa Molomoná, Fuakava Foʻoú, mo e ngaahi tohi ʻoku tokoni ke ne ako lelei ange ai e lea faka-Falaniseé. ʻOku pehē ʻe Nētane ʻoku mahuʻinga ke lau e folofolá “ke ako e meʻa naʻe fai ʻe Sīsū maʻatautolú pea muimui Heʻene sīpinga ʻo e angaʻofá.” ʻOkú ne saiʻia ke tokoni ki he toko ua siʻisiʻi ai ko Sitefinī mo ʻĒloné ke na ako ke laukonga foki! ʻOkú ne tokoniʻi kinaua ʻi heʻenau ngāue fakaako mei ʻapí pea lau mo kinaua e ngaahi talanoa ʻo e Tohi ʻa Molomoná. ʻOkú ne ongoʻi fiefia ke tokoni.

ʻOku tokoni foki ʻa Nētane ki hono tehiná mo e tuofefiné ke fakamaau honau mohengá pea teuteu ki he akó mo ʻenau meʻakaí mo e kato āfeí. Ko ha tokotaha faʻa fakalelei ia ʻi he akó pea ʻokú ne feinga ke muimui ki he sīpinga ʻa Sīsuú ʻo angaʻofa ki he niʻihi kehé.

Ngaahi Meʻa ʻOku Saiʻia Taha ai ʻa Nētané

Feituʻú: Ko e matātahí

Talanoa kau kia Sīsuú: Ko e taimi naʻe fakamo‘ui ai ʻe Sīsū ‘a e tangata kuí

Hiva ʻa e Palaimelí: “Loto-toʻa ʻa Nīfaí” (Tohi Hiva ʻa e Fānaú, 64–65)

Meʻakaí: Moa

Lanú: Lanu moli

Lēsoni he Akó: Lea Faka-Falaniseé