Si‘i Ngaahi Kaungāme‘a,

Ko e ngaahi temipalé ko e fale ia ʻo e ʻEikí. Ko ha ngaahi potu toputapu ia ʻoku tau ako ai fekauʻaki mo e palani ʻa e Tamai Hēvaní mo fakahoko ha ngaahi fuakava (palōmesi) mo Ia. ʻE lava ke tau papitaiso ʻi he temipalé maʻanautolu kuo pekiá pea silaʻi ki hotau ngaahi fāmilí ʻo taʻengata.

Neongo kapau ʻokú ke fuʻu kei siʻi ke hū he temipalé he taimí ni, ka te ke kei lava pē ʻo hanganaki fiefia atu ke ke ʻalu ʻi ha ʻaho. ʻAlu ki he peesi 24 ke ako lahi ange fekauʻaki mo e ʻalu ki he temipalé. Ko e hā te ke lava ʻo fai he taimí ni KE teuteu aí?

ʻOfa atu,

Ko e Kaumeʻá

Feituʻu ‘Oku Ou Lau Ai ʻa e Kaumeʻá

ʻOku lau ʻe Rina M., taʻu 9, ʻa e Kaumeʻá ʻi he lea faka-Pilitāniá ʻi Dar Es Salaam, Tanzania!

ʻOku Mau Saiʻia ke Sio ki he Temipalé

Naʻe ʻaʻahi ʻa Maya mo Luke S., taʻu 9 mo e 3, ki he Temipale Oakland California.

Fāmili Taʻengatá

Naʻá ku kosi ʻo toʻo ʻa e fakatātā ʻo e Temipale Barranquilla Colombia pea tā hoku fāmilí ʻi loto (Tīsema 2019). ʻOku ou fie maʻu ke fakataha hoku fāmilí ʻo taʻengata!

Lane S., taʻu 10, Iowa, USA