ʻI he kei siʻi ʻa Sīsuú, naʻá Ne “tupulaki ʻi he potó” (Luke 2:52). ʻOku ʻuhinga ia naʻá Ne ako ha ngaahi meʻa lahi.
ʻI he taʻu 12 ʻa Sīsuú, naʻe ʻalu Hono fāmilí ki Selusalema. ʻI he fokí, naʻe fakatokangaʻi ʻe Mele mo Siosefa naʻe ʻikai ʻiate kinaua ʻa Sīsū. Naʻá na foki ki Selusalema ke kumi Ia. Naʻá na ʻilo ʻa Sīsū ʻoku faiako ʻi he fale lotu lahí. Ne fanongo ʻa e kakaí kiate Ia pea nau fai kiate Ia ha ngaahi fehuʻi. Naʻa nau ofo ʻi he meʻa naʻá Ne ʻiló. Naʻe fakaʻaongaʻi ʻe Sīsū ʻEne moʻuí ki hono akoʻi e niʻihi kehé.
ʻĪmisi
ʻOku ou tokoni ki hoku tehiná ke fai ʻene ngāue fakaako mei ʻapí ki he ako tokamuʻá. ʻOku ou akoʻi ia ke ne tā fakatātā mo tohi hono hingoá. ʻI he taimi ʻoku ako ai ʻe hoku fāmilí ʻa e Haʻu, ʻo Muimui ʻIate Au ʻi he poʻulí, ʻoku ou tokoni ki hoku tehiná ʻi he folofolá. ʻOku ou fakaʻaliʻali ki ai ʻa e ngaahi fakatātaá pea fakamatalaʻi ia kiate ia.