Minamahal na mga Kaibigan,

Ang mga templo ay mga bahay ng Panginoon. Banal ang mga lugar na ito kung saan tayo natututo tungkol sa plano ng Ama sa Langit at nakikipagtipan (nangangako) sa Kanya. Sa templo, maaari tayong mabinyagan para sa mga pumanaw na at mabuklod sa ating mga pamilya magpakailanman.

Kahit napakabata pa ninyo para makapasok sa templo ngayon, maaari pa rin ninyong asamin na makapunta roon balang-araw. Pumunta sa pahina 24 para malaman ang iba pa tungkol sa pagpunta sa templo. Ano ang magagawa ninyo ngayon para makapaghanda?

Nagmamahal,

Ang Kaibigan

Kung Saan Ko Binabasa ang Kaibigan

Binabasa ni Rina M., edad 9, ang Kaibigan sa Ingles sa Dar Es Salaam, Tanzania!

Gustung-gusto Naming Makita ang Templo

Binisita nina Maya at Luke S., edad 9 at 3, ang Oakland California Temple.

Walang-Hanggang Pamilya

Ginupit ko ang larawan ng Barranquilla Colombia Temple at idinrowing ang pamilya ko sa loob nito (Dis. 2019). Gusto kong magkasama-sama ang pamilya ko magpakailanman!

Lane S., edad 10, Iowa, USA