Mula sa Unang Panguluhan
Pagmamahal sa Templo
Hango mula sa “Isang Tahanan Kung Saan Nananahan ang Espiritu ng Panginoon,” Ensign o Liahona, Mayo 2019, 22–25.
Tinutulungan tayo ng templo na matutuhang mahalin ang mga banal na lugar. Totoo ito lalo na kapag maliliit pa ang mga bata. Nadarama ng mga bata na sagrado ang templo.
Noong bata pa siya, nalaman ni Pangulong Ezra Taft Benson na mahalaga ang templo. Pinanood niya ang kanyang ina na maingat na pinaplantsa ang kanyang damit na pangtemplo. Minasdan niya ang kanyang pamilya nang paalis sila sa kanilang tahanan para dumalo sa templo.
Noong siya ang propeta, nagpunta siya sa templo linggu-linggo. Gumawa siya palagi ng gawain sa templo para sa isang ninuno.
Maaari din ninyong matutuhang mahalin ang templo ngayon. Ang ilan sa inyo ay may mga larawan ng mga templo sa inyong tahanan. Maaaring bisitahin ng marami sa inyo ang bakuran ng templo. Maaari pa ngang dumalo ang ilan sa mga open house kapag itinatayo ang mga templo.
Dahil sa templo, may pag-asa tayong makapiling ang ating pamilya magpakailanman.
Cutout ng Templo
Gupitin, itupi, idikit!
-
Gupitin ang templo.
-
Itupi sa tulduk-tuldok na mga linya.
-
Lagyan ng pandikit ang bawat tab at pagdikitin ang pinaka-magkakalapit na panig.
-
Idrowing dito ang iyong sarili o ang iyong mga kapamilya.
Mga paglalarawan ni Liz Brizzi