Pagtulong Tulad ni Jesus

Si Jesus ay Tumulong sa Iba

Noong bata pa si Jesus, hindi ligtas para sa Kanyang pamilya na manatili sa Judea. Kaya nilisan nina Maria, Jose, at Jesus ang kanilang tahanan at nagpunta sa Egipto. Sila ay mga refugee noon.

Naunawaan ni Jesus kung ano ang pakiramdam ng hindi sila kabilang. Tinulungan Niya ang lahat, kahit na ayaw tumulong ng iba. Pinagaling Niya ang mga ketongin at kumain na kasama ang mga makasalanan. Nagpakita Siya ng pagmamahal sa lahat.

Maaari mong basahin ang mga kuwentong ito sa Mateo 2:13–21, Marcos 1:40–42, at Mateo 9:10–13.

Ang ilan sa mga bagong kaibigan ko ay mula sa Afghanistan. Talagang mababait sila. Pagsapit ng Pasko, dinalhan namin sila ng mga bagong coat. Masayang-masaya sila na hindi na sila giginawin. Pero ang mas mahalaga, masaya silang malaman na hindi sila nakalimutan.

Camdyn L., edad 8, Washington, USA

Kaya Kong Tumulong sa Iba

• Sino ang kilala mo na nangangailangan ng isang tao na tutulong sa kanila?

• Magdasal at magplano na tulungan sila.

• Gawin ang plano mo!

• Gupitin ang kard na ito upang maipaalala sa iyo na patuloy na tumulong na tulad ni Jesus.

Paano mo sinisikap na tumulong sa iba, tulad ng ginawa ni Jesus? Isulat at ikuwento sa amin.

Paglalarawan ni Harry Anderson