Mga Istorya sa Kasulatan
Sa Wala pa Kita Mianhi sa Yuta
Mahimo ninyong mabasa kini nga istorya diha sa Abraham 3:22–27. Pangitaa ang koloranan nga pahina diha sa pahina 48.
Sa wala pa kita natawo, nagpuyo kita sa langit uban ang atong Langitnong Amahan. Siya nagtudlo kanato mahitungod sa Iyang plano sa kalipay.
Ang Langitnong Amahan miingon nga kita moanhi sa yuta aron makaangkon og mga lawas. Kita magkat-on ug mohimo og mga pagpili. Usahay kita makahimo og mga sayop. Kita nagkinahanglan og usa ka Manluluwas.
Ang Manluluwas magpakita kanato kon unsaon sa pagpakabuhi. Ug kon kita makahimo og sayop nga pagpili, kita makahimo sa paghinulsol.
Si Jesus miingon, “Ania ako, ipadala ako.” Ang Langitnong Amahan mipili ni Jesus nga mahimo natong Manluluwas. Si Jesus misaad sa pag-anhi sa yuta aron sa pagluwas kanato.
Makasunod ako ni Jesus. Ugma damlag ako makabalik ug makapuyo uban sa Langitnong Amahan.
Mga paghulagway pinaagi ni Apryl Stott