Mga Journal ni Papa
Kini nga istorya nahitabo sa Tahiti.
Si Allan milingkod sa lingkuranan sa gawas sa iyang balay. Ang adlaw padulong nang mosalop. Ang mga punoan sa Palmera nagbarog nga misalipod sa pink ug kahil nga mga kalangitan.
Iyang gipakli ang pahina sa libro nga iyang gibasa. Wala kini mga litrato. Apan wala nagtagad si Allan. Ganahan siyang magbasa niini nga libro!
Iyang mga mata misuhid sa hapsay nga sinulat ni Papa. Nahinumdom siya niini nga bahin! Kini kanunayng nakapakatawa kaniya.
Niana dayon, migawas si Papa. “Unsay kataw-anan?”
“Nagbasa ko sa usa sa imong libro.” Mingisi si Allan. “Ganahan ko sa bahin mahitungod sa lubi.”
“Ahh, imong pasabot sa akong mga journal.” Si papa milingkod tupad ni Allan. “Nagsulti kini sa istorya sa akong kinabuhi. Apan dili lang kini mahitungod kanako. Kamo anaa usab niini. Ug ingon man si Mama, ug ang imong mga igsoong mga lalaki ug babaye.”
“Sama ni Nephi!” Miingon si Allan. “Siya misulat og mga istorya mahitungod sa iyang kinabuhi, ug siya misulat mahitungod sa iyang pamilya usab.”
“Sakto!” Miingon si Papa.
“Ganahan ko sa mga bahin nga mahitungod sa imong labing maayo,” miingon si Allan. “Sama sa higayon nga ikaw usa pa ka misyonaryo dinhi sa Tahiti.”
“Ganahan ko sa mga istorya mahitungod sa imong labing maayo,” miingon si Papa. “Nasayod ka ba nga ikaw among ginganlan sama sa apilyedo sa mama ni Elder Bednar?”
“Wala ko nimo masultihi niana! Dili ko makahulat nga mabasa kana nga bahin.”
Mipahiyom si Papa. “Adunay daghan kaayong mga istorya sa akong mga journal. Nagsulat nako og journal sukad nga ako otso pa.”
“Sukad sa otso anyos pa ka?” Nangutana si Allan. “Dugay na gayud kaayo kana nga panahon.”
Mikatawa si Papa. “Dili pa ako ingon niana ka tigulang.”
Naghunahuna si Allan sa makadiyot. “Sa dili madugay mag-otso anyos na ko,” miingon siya. “Mahimo ba ko nga makadawat og journal sa akong adlawng natawhan?”
“Siyempre!” Miingon si Papa.
“Dayon makasulat na ko sa akong mga istorya aron nga sa ugma damlag ang akong mga anak makabasa niini.”
“Kana ingon og talagsaong tradisyon sa pamilya!” Miingon si Papa.
Mga paghulagway pinaagi ni Alessia Girasole