Mag-uban sa Pagsunod ni Jesus
Usa ka Primary sa Denbighshire, Wales, magkaubang mihimo niini nga hulagway sa Unang Panan-awon!
Nagbasa ako sa akong kasulatan matag adlaw aron makakat-on og bag-ong butang. Mahinamon ako nga moserbisyo og misyon!
Rashad E., edad 10, West Virginia, USA
Ako adunay kabalaka. Ang akong mama mihatag kanako og pipila ka ideya nga mipamenos niini, apan kini wala mawala. Nag-ampo ako alang sa panabang, ug ang akong kabalaka misugod sa pagkawala!
Felix G., edad 10, California, USA
Gidayan-dayanan nako ang usa ka kahon ug gipuno kini og mga botelya sa tubig ug mga pangpainit sa kamot alang sa mga tawo nga tighatod nga mobisita sa among apartment nga gambalay. Naningkamot ako nga moserbisyo sama ni Jesus!
Ellie Rose M., edad 6, New York, USA
Nagtuon kami mahitungod sa Saskatchewan sa eskwelahan. Nakapaambit ako sa akong mga kauban sa klase ug magtutudlo nga ang akong igsoong babaye nagserbisyo didto isip usa ka misyonaryo!
Jacob S., edad 7, Alberta, Canada
Naghimo kami og mga barko-barko! Ang usa mao ang barko nga gilawigan sa among mga katigulangan sa dihang sila milalin ngadto sa Estados Unidos gikan sa Sweden unom ka henerasyon ang milabay.
Aksel ug Declan M., edad 6 ug 9, North Carolina, USA
Nakadungog ako og pipila ka bati nga mga pulong, nga mihimo kanako nga mobati nga dili komportable. Sa dihang nauli na ako sa panimalay, nag-ampo ako alang sa tabang aron makalimot sa mga pulong. Ang Langitnong Amahan mitubag sa akong pag-ampo.
Emree H., edad 10, Oregon, USA
Usa sa akong mga kauban sa klase nahadlok nga moadto sa eskwelahan. Sayo akong miabot kada adlaw aron sa paghulat kaniya aron dili siya mag-inusara. Ang pagtabang sa uban makapalipay kanako tungod kay ako nagsunod ni Jesus.
Fang Z., edad 6, Hsinchu, Taiwan
Emmy S., edad 8, Michigan, USA
Madeline H., edad 9, Ulaanbaatar, Mongolia
“Akong Pamilya,” Janus C., edad 7, New South Wales, Australia