Higala ngadto sa Higala

Pagtabang Sama ni Jesus

Ni Camille N. Johnson

Kinatibuk-ang Presidente sa Primary

girl pushing young boy in stroller

Sa dihang anaa ko sa Primary, ang akong igsoon nga lalaki usa ka gamayng bata, ug ang akong igsoon nga babaye usa ka masuso. Ang akong inahan okupado kaayo sa pag-atiman kanila sa adlawan, mao nga sa dihang mauli ako sa panimalay gikan sa eskwelahan, tabangan nako siya. Gibutang nako ang akong igsoong lalaki diha sa stroller ug balik-balik nga milakaw tuyok sa palibot uban niya. Magkauban kaming nag-istoryahanay mahitungod sa matahom nga kalibotan ug mitan-aw sa mga langgam, mga mamang [bugs], ug sa mga binuhi sa among mga silingan. Gamay kadto nga butang, apan mihimo kini og dako nga kalainan! Nakatabang kini sa akong mama nga mobati nga malipayon ug nakapahulay. Nakatabang kini sa akong tibuok pamilya. Kadto usa ka paagi sa pagtabang sama sa gusto ni Jesus nga kita motabang.

Sa Unsang Paagi Kamo Makatabang?

Jesus with children

Isip mga bata sa Primary, makahimo kamo og dakong kalainan pinaagi sa inyong gagmay nga mga buhat sa pagkamabination. Kon mogamit kamo sa inyong matinabangong mga kamot [helping hands] aron sa pagserbisyo sa uban, nagrepresentar kamo ni Jesukristo. Gitabangan ninyo ang uban nga mobati sa Iyang gugma.

Kat-oni ang mga istorya ni Jesus. Dayon pangutan-a ang inyong kaugalingon, “Unsa may buhaton ni Jesus?” Adunay mga tawo sa inyong tibuok palibot nga nagkinahanglan og tabang. Pipila kanila anaa sa inyong kaugalingon nga panimalay, o tabok lang sa dalan.

Kon mobuhat kamo og yano nga mga butang aron sa pagtabang, ang Espiritu Santo motabang kaninyo nga mobati og nindot sa kaugalingon. Masayod kamo nga gibuhat ninyo kon unsay buhaton ni Jesus.

Importante usab nga modawat og tabang gikan sa uban. Kon ang uban motabang kanato, mabati usab nato ang gugma sa Manluluwas alang kanato!

Gimahal ko kamo! Nasayod ako nga si Jesukristo nahigugma kaninyo! Mabati ninyo ang Iyang gugma kon gamiton ninyo ang inyong matinabangon nga mga kamot sa pagserbisyo sa uban.

Mahimong Kabahin sa Pundok sa Matinabangong mga Kamot [Helping Hands Team]!

• Sa kada isyu sa ang Higala, basaha ang mahitungod sa usa ka bata sa Primary kinsa nagtabang sama ni Jesus (pahina 18).

• Pagkat-on mahitungod sa usa ka paagi nga si Jesus mitabang sa uban (pahina 20). Dayon guntinga ang kard aron sa pagtabang kaninyo sa pagserbisyo.

• Karon ipaambit kon sa unsang paagi kamo mitabang sama ni Jesus o kon sa unsang paagi ang usa ka tawo mitabang kaninyo! Sulati ang pahina sa ubos ug ipadala kini kanamo uban sa usa ka litrato ug pagtugot sa ginikanan. Tan-awa ang luyo nga hapin aron makita kon unsaon.

Imong Matinabangong mga Kamot

Tanan mahitungod Kanimo

Edad:

Gikan sa:

Mga Pinulongan:

Pamilya:

Mga Tumong ug mga Pangandoy:

Sultihi kami mahitungod sa usa ka panahon sa dihang mitabang ka diha sa panimalay o sa imong komunidad:

Unsay imong bation kon motabang ka sa uban o mosunod ni Jesus?

Imong mga Paborito

Dapit:

Istorya mahitungod ni Jesus:

Awit sa Primary:

Pagkaon:

Kolor:

Subject sa Eskwelahan:

Sulati ang pahina ug ipadala kini ngadto sa ang Higala.

Pagpadala usab og litrato, kon mahimo!

Page from the January 2022 Friend Magazine.

Mga paghulagway pinaagi ni Simini Blocker