Gikan sa Unang Kapangulohan
Kamo Minahal nga Anak sa Dios
Gikuha gikan sa Higala ngadto sa Higala nga Sibya alang sa Kabataan: 2021. Tan-awa kini sa ChurchofJesusChrist.org/broadcasts.
Akong pinalanggang batan-ong mga higala, gimahal ko kamo! Kon makakita ako kaninyo, maghunahuna ako sa akong mga apo sa tuhod. Nakahibalo ba kamo nga sa akong pamilya, aduna kami sobra sa 100 ka apo sa tuhod nga ubos sa edad nga 12? Maalamon ug bililhon kaayo sila, sama lang kaninyo.
Kamo minahal nga anak sa Dios. Palihog hinumdomi kana nga kamatuoran. Kon dili ninyo kalimtan kana nga usa ka lunsay nga kamatuoran, makasagubang kamo sa bisan unsa nga problema uban sa hugot nga pagtuo ug kaisog.
Sa dihang kamo gibunyagan ug nakumpirmahan, mohimo kamo og usa ka saad nga kamo mosunod sa Ginoo. Ug Siya nagsaad nga Siya mopadala sa Iyang Espiritu aron sa paggiya kaninyo. Hunahunaa lang ang kahayag ug gugma nga madala ninyo sa kalibotan isip usa ka matinud-anon nga sumusunod ni Jesukristo!
Akong minahal nga batan-ong mga higala, mapasigarbohon kaayo ako sa matag usa kaninyo! Nasayod ako nga ang Langitnong Amahan nagbantay kaninyo. Siya nahigugma gayod ninyo pag-ayo, ug ako usab.
Plano sa Langitnong Amahan bahin sa Kalipay
Kolori ang mga litrato aron makakat-on og dugang mahitungod sa plano sa Langitnong Amahan. Pagbasa og dugang diha sa Abraham 3–5.
Nagpuyo kita kauban sa Langitnong Amahan sa wala pa kita matawo.
Gihangyo Niya si Jesukristo sa paglalang sa kalibotan alang kanato.
Gihimo ni Jesus ang adlaw, ang buwan, ug ang mga bituon aron sa paghatag og kahayag.
Gihimo ni Jesus nga matahom ang kalibotan pinaagi sa mga kahoy ug mga bulak. Gihimo Niya ang mga isda, mga langgam, ug mga hayop.
Dayon gibutang sa Langitnong Amahan si Adan ug Eva, ang atong unang mga ginikanan, dinhi sa yuta.
Ang Langitnong Amahan nahigugma kanako ug nagbantay kanako.
Mga paghulagway pinaagi ni Elise Black