Matinabangong mga Kamot [Helping Hands] sa tibuok Kalibotan

Himamata si Ami gikan sa Japan

Himamata ang mga bata sa Primary nga nagtabang sa uban, sama sa gibuhat ni Jesus.

Tanan mahitungod ni Ami

Pinulongan: Japanese

Edad: 10

Tumong ug Pangandoy: 1) Mahimong usa ka artist sa anime (animation). 2) Magpraktis og baseball. 3) Magbasa og usa ka kapitulo sa Basahon ni Mormon sa matag adlaw.

Pamilya: Mama, Papa, tulo ka igsoong mga lalaki, ug usa ka igsoong babaye

Ang Matinabangong mga Kamot ni Ami

Si Ami nagpuyo sa Okinawa, Japan. Tungod sa COVID-19, daghang mga tawo didto naglisod sa pagkuha og pagkaon. Mao nga ang ward ni Ami nagplano og usa ka pag-apud-apod og pagkaon. Gusto gyod siya nga motabang!

Silang tanan nag-abot sa gambalay sa Simbahan. Nag-amping sila samtang sila nagtrabaho. Nagsul-ob si Ami og mask.

Gipundok ni Ami og butang ang mga kahon. Kon ang kahon mapuno na sa pagkaon, isirado niya kini aron i-tape ang tabon. Nagsige og hunahuna si Ami kon giunsa ni Jesus pagpakaon ang mga tawo sa pan ug sa mga isda. Malipayon siya nga motabang sa pagpanghatag og pagkaon ngadto sa mga gutom nga mga tawo sama sa gihimo ni Jesus.

Mga Paborito ni Ami

Dapit: Baseball park

Istorya mahitungod ni Jesus: Sa dihang Siya natawo

Awit sa Primary: “Ako Anak sa Dios” (Songbook sa mga Bata, 2–3)

Pagkaon: Steak

Kolor: berde nga Emerald

Mga subject sa eskwelahan: Social studies ug PE

Si Ami misunod kang Jesus pinaagi sa pagtabang sa mga tawo nga gigutom. Paklia ang pahina aron basahon ang usa ka istorya mahitungod kon sa unsa nga paagi si Jesus mitabang sa uban.

Apil sa Pundok sa Matinabangong mga Kamot!

Kon kamo moserbisyo sa uban, sakop kamo sa Pundok sa Matinabangon nga mga Kamot! Kinsa ang inyong maserbisyohan?

Mga paghulagway pinaagi ni Hannah Li