Pagtabang Sama ni Jesus

Si Jesus Mitabang sa mga Tawo nga Nanginahanglan

Sa dinhi pa Siya sa yuta, si Jesus miayo sa mga tawo nga masakiton. Gipakaon Niya ang mga tawo nga gigutom. Mihatag Siya og kahupayan ngadto sa mga tawo nga mibati nga nag-inusara.

Mitudlo usab si Jesus sa Iyang mga disipulo sa pagtabang sa uban. Miingon Siya nga kinahanglan silang mohatag og pagkaon, tubig, ug sinina ngadto sa mga tawo kinsa nanginahanglan niini. Misulti Siya kanila sa pagbisita sa mga tawo nga nag-inusara. Miingon si Jesus nga kon moserbisyo sila sa uban, kini sama nga sila nagserbisyo Kaniya.

Mabasa ninyo kini nga istorya diha sa Mateo 25:35–40.

Ang akong pamilya nangalagad ngadto kang Sister Rosa. Si Sister Rosa 90 na, mao nga dili siya makagawas sa iyang panimalay. Gitabangan nako si Papa sa pagkarga ug pagdala og igsusugnod nga kahoy alang kang Rosa.

Ignacio G., edad 9, Canelones Department, Uruguay

Ako Makatabang Niadtong Nanginahanglan

• Kinsay imong nailhan nga nagkinahanglan og tabang?

• Pag-ampo ug paghimo og plano aron sa pagtabang kanila.

• Buhata ang imong plano!

• Guntinga kini nga kard aron sa pagpahinumdom kanimo sa pagpadayon og tabang sama ni Jesus.

Sa unsang paagi ikaw naningkamot sa pagtabang sa uban, sama sa gibuhat ni Jesus? Pagsulat ug sultihi kami.

Paghulagway pinaagi ni Sarah Keele