Unsay anaa sa Imong Hunahuna?
Gusto kong maghimo og bag-o nga tumong alang sa Kabataan ug Kabatan-onan. Apan wala ako masayod kon asa magsugod! Kamo aduna bay mga ideya?
—Nagtubo sa Guatemala
Minahal nga Nagtubo,
Nindot kaayo! Ang paghimo og tumong makatabang kanimo nga makakat-on ug mahimong mas sama ni Jesus. Ug ang Langitnong Amahan motabang kanimo!
Makasugod ka pinaagi sa pag-ampo. Dayon isulat ang bisan unsa nga mga hunahuna nga mosantop sa kaisipan. Kon mopili ka og usa ka tumong, hangyoa ang usa ka ginikanan o lider sa pagtabang kanimo sa paghimo og plano. Magamit usab nimo ang imong Giya nga Basahon sa Kabataan alang sa tabang!
Ang Higala
Lingini ang mga kalihokan nga gusto nimong sulayan. Isulat ang imong kaugalingon nga mga ideya diha sa mga blangko. Dayon butangi og bitoon tupad sa tumong nga gusto nimong trabahoon sunod!
Espirituhanon
-
Pagpahigayon og drama o tawo-tawo nga pasundayag [puppet show] mahitungod sa imong paborito nga istorya sa kasulatan.
-
Pagsag-ulo og usa ka paborito nga kasulatan.
-
_______________________________________________
Intelektwal
-
Pagkat-on sa pagsulti og pipila ka butang gamit ang usa ka bag-o nga pinulongan.
-
Pagbasa og bag-o nga libro.
-
_______________________________________________
Sosyal
-
Paggahin og panahon sa pagserbisyo ug pag-ila-ila sa mas magulang nga mga tawo.
-
Pag-adto sa usa ka kultural nga selebrasyon. Pagkat-on mahitungod sa mga tradisyon gikan sa ubang mga nasod.
-
_______________________________________________
Pisikal
-
Pagkat-on sa paglangoy, pagbisikleta, o pagdula og bag-o nga paugnat sa kusog.
-
Pagpatubo og tanom o tanaman.
-
_______________________________________________
Mga paghulagway pinaagi ni Nicole Walkenhorst