Ang Bangaw [Rainbow] nga Hello
Milukso si Darcy sa usa ka lim-aw. Miagik-ik siya. Makalingaw ang ulanon nga mga adlaw. Siya ug si Mama nagpalumba og mga sakayan nga dahon diha sa tubig. Miabiba si Darcy sa dihang ang iyang dahon milabay nga naglutaw.
Nagkinto-kinto siya taliwala sa mga lim-aw nga naggunit og de kolor sa tisas [chalk] diha sa matag kamot. Gikoloran niya ang daplin nga agianan ug gani ang usa ka dakong bato. Matahom kaayo tan-awon ang mga kolor batok sa abohon nga kalangitan. Wala magtagad sa katugnaw si Darcy.
Mitan-aw si Darcy sa mapanganoron nga kalangitan.
“Mama, ang Langitnong Amahan makakita ba kanako karon?” Nangutana si Darcy.
“Oo. Ang Langitnong Amahan makakita kanimo karon,” miingon si Mama.
Naghunahuna kadiyot si Darcy. Dayon gipataas niya ang iyang kamot ug miwara-wara.
“Hi!” miingon siya, nga ngawara-wara sa langit. Tingali ang Langitnong Amahan makakita kaniya nga nagwara-wara ngadto Kaniya!
Sa kataposan si Darcy ug si Mama misulod aron magpainit.
Mikuha si Darcy og pipila ka papel ug mipinta og mahayag nga bangaw. Gipakita niya kini ngadto ni Papa sa dihang nauli siya. Gisultihan niya siya [Papa] mahitungod sa iyang makalingaw nga ulanon nga adlaw.
Human sa panihapon, nagkasalop ang adlaw. “Tana atong tan-awon ang pagsalop sa adlaw,” miingon si Papa.
Miadto sila sa gawas. Mapanimahoan nga ingon og ang yuta gibisbisan. Ang mga panganod gapason ug rosa ang kolor. Ug diha sa langit mao ang labing masanagon, labing matahom nga bangaw!
“Nakahinumdom ka ba kinsa ang naghimo sa mga bangaw?” Nangutana si Mama.
“Ang Langitnong Amahan ang naghimo niini!” miingon si Darcy.
Gigakos ni Darcy ang iyang kaugalingon. “Murag miingon Siya og ‘hi’ balik ngari kanako!”
Paghulagway pinaagi ni Cristina Trapanese