Mga Tip sa Teknolohiya

Ni Noelle Barrus

• Magtuon sa mabuti. Magagamit natin ang teknolohiya sa maraming magagandang paraan—tulad ng pag-aaral ng isang bagong kasanayan o pakikipag-usap sa mga kaibigan. Magtakda ng mithiin at gamitin ang teknolohiya para makatulong.

• Magkaroon ng layunin. Magpaalam muna sa isang magulang bago ka gumamit ng tablet, computer, o telepono, at tiyakin na may dahilan ka. Kung hindi, mag-isip ng iba pang bagay na gagawin.

• Gumamit ng timer. Bago mo gamitin ang anumang media, magpasya nang maaga kung gaano katagal mo ito gagamitin.

• Gamitin ang teknolohiya nang maingat. Nais ng Ama sa Langit na punuin natin ang ating isipan ng mabubuting bagay. Itanong sa iyong sarili, “Tinutulungan ba ako nitong gumawa ng kabutihan at magkaroon ng magandang pakiramdam?” Kung hindi, patayin ito.

• Unahin ang mga tao. Kapag kasama mo ang ibang tao, ibigay ang buong atensyon mo sa kanila. Huwag gamitin ang iyong telepono o iba pang teknolohiya kapag may kausap ka.

Ano ang ilang bagay na magagawa mo para maglibang?

• Humanap ng isang taong makakalaro.

• Magbasa ng isang aklat o magdrowing ng isang larawan.

• Tumugtog ng isang instrumento o matuto ng isang bagong kasanayan.

• Tuklasin ang isang lugar na malapit sa inyong tahanan, tulad ng isang halamanan, museo, o parke.

Larawang-guhit ni Mitch Miller