Mga Matulunging Kamay sa Iba’t Ibang Panig ng Mundo

Kilalanin si Tristan mula sa Canada

Kilalanin ang mga batang Primary na tumutulong sa iba, tulad ng ginawa ni Jesus.

Lahat ng tungkol kay Tristan

Edad: 6

Mula sa: Québec, Canada

Mga Wika: English at French

Mga mithiin at pangarap: 1) Sundin si Jesus. 2) Tulungan ang iba.3) Maging bumbero.

Pamilya: Tristan, Itay, Inay, dalawang ate

Matulunging mga Kamay ni Tristan

Hindi mo kailangang gumawa ng malalaking bagay para tulungan ang iba. Mahilig tumulong si Tristan sa maraming maliliit na paraan. Niyayakap at hinahagkan niya ang kanyang nanay at tatay kapag pagod sila. Naglilinis siya ng kuwarto niya at nagtitipon ng mga bagay na ire-recycle. Nagdarasal siya, at sinisikap niyang pagandahin ang pakiramdam ng lahat.

Ginagamit din ni Tristan ang kanyang tinig para paglingkuran ang iba. Sa binyag ng kaibigan niyang si Nicholas, kinanta niya ang “Nang Binyagan si Cristo” (Liahona, Peb. 2015, 73). Kinailangan ng maraming praktis para makapaghanda. Pero ginawa iyon ni Tristan nang may ngiti. Masaya siya na matutulungan ng kanyang pagkanta ang mga tao na malaman ang tungkol kay Jesus at madama ang Espiritu Santo.

Mga Paborito ni Tristan

Lugar: Mga amusement park

Kuwento tungkol kay Jesus: Noong Siya ay Bininyagan

Awitin sa Primary: “Templo’y Ibig Makita” (Aklat ng mga Awit Pambata, 99)

Pagkain: Bacon, grilled cheese, strawberry, mangga

Mga kulay: Berde at dilaw

Subject sa Paaralan: Math

Sinusunod ni Tristan si Jesus sa pamamagitan ng pagkanta, pagdarasal, at pagtulong. Buklatin ang pahina para mabasa ang isang kuwento kung paano tinulungan ni Jesus ang ibang tao.

Sumali sa Grupo ng mga Matulunging Kamay!

Kapag naglilingkod ka sa iba, ikaw ay bahagi ng Grupo ng mga Matulunging Kamay! Sino ang maaari mong paglingkuran?

Mga larawang-guhit ni Flavio Remontti