Mga Meryendang Brazilian

Subukan ang mga resipe na ito mula sa Brazil.

Molho á Campanha (Vinaigrette Salsa)

• 3 kamatis

• 1 sibuyas

• 1 berdeng bell pepper

• 1/4 tasang cilantro

• 1/4 tasang olive oil

• 1/4 tasang puting suka

• Asin at paminta

Hiwain ang mga gulay at paghalu-haluin ang lahat ng sangkap sa isang mangkok. I-refrigerate nang hindi kukulangin sa 45 minuto bago ihapag kasama ang karne o sa isang salad.

Brigadeiros (Chocolate Truffles)

1. Tunawin ang 1 kutsarang butter, 14 onsa ng gatas na kondensada, at 1/4 tasa ng cocoa powder sa isang kaserola.

2. Ibuhos ang mix o hinalong mga sangkap sa isang minantikaang plate. Palamigin sa loob ng 1 oras.

3. Hubugin ang mix at gawing mga bola at igulong ang mga ito sa sprinkles.