Ko e Maka-tā ʻa Tēvitá

Ngaohi ha maka-tā ke tokoni atu ke ke manatuʻi ʻa e talanoa ʻo Tēvita mo Kolaiaté. Muimui leva ʻi he ngaahi hala ki he ngaahi foʻi maka fakatauhoá ke ʻiloʻi e ngaahi founga ʻe lava ke tokoniʻi ai koe ʻe he ʻOtuá ʻi he taimi ʻokú ke muimui ai kiate Iá.

Kumi ha konga tupenu siʻisiʻi, konga afo, mo ha laʻipepa.
ʻI he tokoni ʻa ha taha lahi, hokaʻi ha foʻi ava ʻi he ongo tafaʻaki fakatouʻosi ʻo e tupenú.
Fakahū ʻa e ongo ngataʻanga ʻo e afó ʻi he foʻi ava takitaha pea nonoʻo ha fakapona.
Hiki ʻi ha laʻipepa ʻa e ngaahi founga ʻe lava ke tokoniʻi ai koe ʻe he ʻOtuá ke ke loto-toʻa mo mālohí. Hili iá peá ke nusinusi leva ʻa e laʻipepá ke hangē ha foʻi pulú ʻo hangē ha foʻi maká ke fakaʻaongaʻi ʻi hoʻo maka-taá!

ʻE lava ke tokoniʻi au ʻe he ʻOtuá ke u fakakaungāmeʻa.

ʻE lava ke tokoniʻi au ʻe he ʻOtuá ke u fai ha lea ʻi he Palaimelí.

ʻE lava ke tokoniʻi au ʻe he ʻOtuá ke u tala ʻa e moʻoní.

ʻE lava ke tokoniʻi au ʻe he ʻOtuá ke u fakamolemoleʻi e niʻihi kehé.