ʻIlaisiā mo e Kihiʻi Leʻo Siʻí

Ko ha palōfita ʻa ʻIlaisiā. Naʻá ne fie fanongo ki he leʻo ʻo e ʻOtuá. Naʻá ne ʻalu ki ha moʻunga ke fanongo lelei ange ki he leʻo ʻo e ʻOtuá.

Naʻe ʻi ai ha matangi mālohi. Naʻe fuʻu mālohi fau ʻo mafahifahi ai e maká. Naʻe leʻolahi ʻa e matangí. Ka naʻe ʻikai ko e leʻo ia ʻo e ʻOtuá.

Naʻe hoko mai leva ha mofuike. Naʻe ngalulululu ʻa e māmaní. Naʻe hoko ha vela lahi foki. Naʻe lahi hono uló. Ka naʻe ʻikai ko e leʻo ʻo e ʻOtuá ʻa e mofuiké mo e afí.

Pea naʻe lōngonoa leva. Naʻe fanongo ʻa ʻIlaisiā ki he leʻo ʻo e ʻOtuá. Ko e kihiʻi leʻo siʻi. Ka naʻe mahino.

Te u lava ʻo fanongo ki he leʻo ʻo e ʻOtuá ʻaki ʻeku fakafanongo ki he Laumālie Māʻoniʻoní. ʻOkú Ne folofola mai kiate au ʻi ha fanga kiʻi founga iiki mo faingofua.