Ngaahi Nima Fie Tokoni ‘i he funga ʻo e Māmaní
Feʻiloaki mo ʻEla mei Finilani
Fe‘iloaki mo ha fānau Palaimeli ʻoku nau tokoniʻi e ni‘ihi kehé, hangē ko ia naʻe fakahoko ‘e Sīsuú.
Ngaahi me‘a kotoa fekauʻaki mo ʻElá
Taʻu:7
Mei: Uusimā, Finilani
Lea Fakafonuá: Lea Faka-Finilani
Ngaahi taumu‘á mo e ngaahi fakaʻānauá: 1) Hoko ko ha neesi ʻo hangē ko ‘ene faʻeé. 2) Ke ʻi ai ha fāmili pē ʻoʻona. 3) Hoko ko ha tokotaha hiva pe tauʻolunga.
Fāmilí: ʻEla, Faʻeé, Tamaí, ongo tuongaʻané, mo ha pusi ko Tosi
Ko e ongo Nima Fie Tokoni ʻo ʻElá
ʻOku saiʻia ʻa ʻEla ke fakakau mai e niʻihi kehé. ʻOku ʻikai ke ne loto ke ongoʻi tuenoa ha taha. ʻOkú ne ʻofa moʻoni ʻi he niʻihi ʻokú ne tokoua pe tuongaʻane ʻakí. ʻOku ʻi hono uōtí hanau niʻihi. ʻOkú ne fakasio kinautolu ʻi he Palaimelí he uike kotoa pē.
ʻOku nofo ʻa Līhai ʻa ia ʻokú ne tuongaʻane ʻakí ʻi Siamane. ʻI he taimi ʻokú ne ʻaʻahi mai aí, ʻoku fakapapauʻi ʻe ʻEla ʻokú ne ongoʻi ʻoku talitali lelei ia. ʻOkú ne fakaafeʻi ia ke vaʻinga mo hono ngaahi kaungāmeʻá.
ʻOku saiʻia foki ʻa ʻEla mo hono fāmilí ke tokoniʻi e kakai ʻi honau tukuikoló. ʻOkú ne fakahoko fiefia ʻene ngaahi ngāue ʻi ʻapí pea tokoni foki ki hono ongo tuongaʻané ke fai ʻena ngaahi ngāué. ʻOku pehē ʻe ʻEla ʻokú ne fiefia ʻi he ngāue tokoní.
Ngaahi Meʻa ʻOku Manako Taha ai ʻa ʻElá
Talanoa fekauʻaki mo Sīsuú: ʻI he taimi naʻá Ne fafanga ai ʻa e kakaí ʻaki ʻa e maá mo e iká
Feituʻú: Ko hono feituʻu ʻoku tokangaʻi ai ia ʻi he taimi ʻahó (daycare center).
Hiva Palaimelí: “Fānau au ʻa e ʻOtuá” (Tohi Hiva ʻa e Fānaú, 2–3)
Meʻakaí: Sipēketi mo e temata soosi
Lanu: Engeenga
Lēsoni ʻi he akó: ʻĀtí
Tā Fakatātaaʻi ʻe Bill Yong